Guggenheim eta Google bat eginda, museoaren esperientzia aparta eskaintzeko
Guggenheim Bilbao Museoak eta Google Arts & Culturek lankidetza-proiektu bat jarri dute martxan, arte garaikidea eta Museoaren eraikina ezagutu, bizi eta esperimentatzeko modu berriak eskaintzeko helburuarekin. Google Arts & Culturek Museoari bereziki eskainitako webgunea garatu du horretarako.
Museoak zabaldutako ohar batean adierazi duenez, elkarlana Museoaren XX. urteurrenaren testuinguruan bultzatu dute, eta hilabeteetako lanaren fruitua da.
Google Arts & Culture Googlen kultura sailak bere teknologia eskaini du Museoaren "erabiltzaileen, bisitarien eta erakundearekin lotura duen edonoren esperientzia berrasmatzeko".
Film labur proiekturako egina; Museoaren Bildumaren lagin adierazgarri bat; Street View teknologia baliatuz, Museoaren barnetik nahiz kanpotik egindako paseoa; istorio interaktiboak edo painting tours delakoak, hainbat lanek ezkutatzen dituzten xehetasunak arakatzen dituztenak… dira aurrekaririk gabeko eskaintzaren ardatzetako batzuk.
Guggenheim Bilbao Museoan grabitatea plegatzen film laburrak "arkitekturak Guggenheim Bilbao Museoaren identitatean duen garrantzia nabarmentzen du". Bertan, hiri-esploratzaile bat eta parcour kirolari bat eraikineko teilatu eta azalera ezberdinetan zehar dabiltza, Gehry-ren eraikina inoiz ikusi gabeko irudietan atzemateko.
Gainera, eta "artelanetan giza begiak orain arte hauteman ezin izan dituen xehetasunak atzemateko Googlek bereziki garatu duen kamera fotografikoari esker", Guggenheimen webgunean sartzen direnek lau artelanez gozatzeko aukera izango dute, bereizmen handian: Titulurik gabea, Mark Rothko; Antropometria urdin handia (ANT 105) [La grande Anthropométrie bleue (ANT 105)], Yves Klein; Titulurik gabea, Clyfford Still, eta Iberia, Robert Motherwell.
Zure interesekoa izan daiteke
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…