Elkano, emakume artista ahaztuak eta Brueghel, San Telmo museoan 2020an
Itsasoz egindako lehen mundu birari buruzko erakusketa, bruegheldarren flandiar margolarien dinastiak deabrua irudikatzeko izan zuen moduaren hainbat lagin eta itzaletan gelditu diren hainbat emakume artistaren lana berreskuratzeko saiakera izango dira San Telmo museoak 2020rako prestatu duen proposameneko erakusgarri batzuk.
“Bidaiarik luzeena. Munduari lehen itzulia” erakusketak Joan Sebastian Elkanok duela 500 urte egindako bidaiaren nondik norakoei heltzen die, eta orduko armak, dokumentu eta maketak erakutsiko ditu San Telmon, Susana Soto zuzendariak azaldu duenez.
Horren ondoren, "Ikusgarritasunaren Logikak" erakusketa paratuko dute San Telmon: askotan ahaztuta dauden emakume artistek sortutako lanak berreskuratuko ditu honek, eta, museoan horien presentzia handitzeaz gain, erakusketetan eta museoetako bildumetan ez egotearen arrazoiak aztertu eta hausnartzeko aukera emango du.
2020ko lehen erakusketa “Atzera begirako poetika. Antton Elizegi argazki funtsa” izango da, gipuzkoar argazkilariaren ibilbide fotografiko eta poetikoa erakusten duena. "Nire argazki lanaren oinarri nagusia bost hamarkadatan zehar izan dira landa paisaia, zuhaitza elementu enblematiko eta ezinbesteko ardatz gisa, eta baserria, gaur egun oso aldatuta dagoen gure egituraketa sozial berezi eta zaharraren sinbolo genetiko gisa", azaldu zuen bere jarduna Elizegik.
Otsail amaiera, “Deabrua, agian. Bruegheldarren mundua” erakusketa iritsiko da. Pintore flandestarrek eta, bereziki, Brueghel bezalako maisuek energia adierazkor, laztasun eta mugarik gabeko irudimenarekin zutik jarri zuten unibertso artistikoaren "hari gorria" osatzen du, museotik azaldu dutenez.
Gainera, maiatz eta abuztu artean Fernando Postigok museoari emandako argazkien erakusketa bat egingo dute.
Azkenik, Nagore Amenabarrok “Artea Abian” gipuzkoar artistak bultzatzeko proiektua abiatuko du, eta Museo Bikoitza arloan Erlea Manerosek Ibon Aranberriren lekukoa hartuko du.
Zure interesekoa izan daiteke
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.