Jorge Oteiza Fundazioak ohartarazi du Donostiako D'Museoan ikusgai dauden lanak ez direla Oteizarenak
Jorge Oteiza Fundazio Museoak jakinarazi duenez, ekainaren 15etik Donostiako Elizbarrutiaren D'Museoan 'Oteiza Argentinan' erakusketan jasota dauden 16 lanak ez dira Oteizarenak, hala aurkeztu badira ere.
Jorge Oteiza Fundazio Museoak ohar batean adierazi du ez duela aldez aurretik erakusketa-proiektuari buruzko informazio zehatzik jaso, eta komunikabideen bidez izan duela ekimenaren berri, behin proiektua jendaurrean aurkeztu ondoren. Fundazioak dioenez, "ikusgai jarri diren obrak ez daude Jorge Oteizaren eskultura-lanen Katalogo Arrazoituan, Oteiza Fundazioak argitaratu eta Txomin Badiolak egindakoan", eta azpimarratu du ez dagoela "obra horiekin lotutako aipamen dokumentalik (irudiak edo testuak) Oteiza Museoaren artxiboan".
Horregatik guztiagatik, "aipatutako piezak sakon aztertu ondoren eta bere jakintza eta adimen zintzoaren arabera", Museoaren ustez "behar adina datu daude esateko D'Museoaren erakusketan aurkeztutako piezak ez direla Jorge Oteizarenak".
Erakusketako komisario Edorta Kortadik erakusketaren inaugurazioan azaldu zuenez, ikusgai dauden 16 lanak Jorge Oteizak 1935 eta 1948 urteen artean Amerikan erbestean zegoela egindako eskulturak dira. Kortadik azaldu zuenez, halaber, lanak hainbat urtez egon ziren bildumagile argentinar baten eskuetan eta, hura hil zenean, familiak bilduma salgai jarri zuen. Nafarroako bildumagile batek erosi zuen, eta haren bidez iritsi da D'Museora. Azaldu zuen, gainera, informazio faltagatik, obra askok ez dutela ez datarik ez izenik. Museoaren webguneak iragartzen duenez, "obra guztiak argitaratu gabeak dira".
EITB Mediak jakin ahal izan duenez, Oteizaren familiak salaketa jarri du Polizia Nazionalean, eta arratsaldean deklaratu du Kortadi komisarioak. D'Museoak, berriz, bihar emango ditu azalpenak, prentsa-ohar bidez.
Zure interesekoa izan daiteke
"Carne y arena" instalazioa «azalean sentitzen» den obra gisa definitu du Gonzalez Iñarrituk
Zinegilea Bilbon izan da, ekainera arte EITBren egoitzan bisitagai izango den errealitate birtualeko bere instalazioa aurkezteko. Esperientzia horretan, Mexiko eta AEBren arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.