BILBAO-VANCOUVER-BILBAO
2013/07/04, 07:00. Vancouver-era abiatu naiz Bilbotik, besteak beste, bertsoetako familia atzean utzita. Lau hilabete eta hamazazpi egun geroago eitb.com-en ari den lagunaren mezua, txapelketaz idaztea eskatuz. Eta bila hasi naiz memorien almazenean
1986koaz ez dut oroitzapenik; 89koaz bai, gure urtebetetze eguna zelako. Akordatzen naiz baserrian aplikatu ginela eta irratitik entzun genuela zerbait, eta JuanMiel gure osabaren barre-txiki maltzurraz oroitzen naiz, nola esan zuen: "Aurtengoan zaharrari ez ziok alde egingo!". Garai hartan Jon Lopategi nor zen ez nekien. Gero ordea anaia eta biok final hartako bertsoak buruz ikasi genituen ia, herriko zapatariak utzitako kaseteak entzunaren entzunaz.
2013/09/29, 08:25. Mantapetik eskua atera eta bezperan propio mesanotxean utzitako ordenagailua piztu dut. www.bertsoa.com. Lagunak ikusi ditut lanean. Hasi dira bertsolariak ere. Astez aste gozatu dut. Zenbat bertsoaldi bikain!
1993koan ez nintzen izan baina anaiak Belodromotik ekarri zuen lilura kontagiatu zidan. 97an, gure langun-luadrilan interes handirik ez eta, azpeitiarrekin joan ginen anaia eta biok autobusez, Jokin Urangaren zirtoez akordatzen naiz. Egun hura shock-a izan zen niretzat, ...sorgindu egin ninduten bertsolariek.
2013/11/30, 14:10. Eslovakiar 1, poloniar 1, 4 japoniar, 4 korear, 3 tailandiar, taiwandar 1, 3 mexikar, 3 brasildar, alemaniar 1 eta kanadar 1 –irakaslea–. Ikasgelan bertsolari txapelketaz aurkezpena egin dut. Bost minutu nituen hitz egiteko. 7 minutu eta 10 segundo behar izan ditut. Bukatzeko bertsoa kantatu dut. Ingelesez. Now/somehow/eye-brow/wow!/ciao. Txalo zaparrada. Hire pare ia Xabi Paya!
2001eko finaletik buruz-burukoa dut akorduan, aulkian eserita ezin e(u)tsi eta jaiki egiten nintzela txalo jotzera emozioaren emozioz. Orduan xelebrea zen hori egitea, aulkitik jaikitzea alegia. Aztertzekoa litzateke urte gutxian emozionalitatea kanporatzen bertsozaleok egin dugun jauzia.
2013/12/01, 08:30. Maulekoa, azkenaurrekoa. Ez dago publikoaren planorik ezagunik harrapatzen ez duenik. Domaia Unai Agirrerena. Mantxi eta biekin asko gozatu dut aurten. Dura lex sed lex.
2005ekoaz ez dut ahaztuko Donostiako finalaurrekoan nola sarrerarik gabe geratu nintzen, nola itxi zizkiguten Atano III.eko ateak muturren aurrean. Orain grazia egiten dit baina orduan... orduan amorrua eta lotsa, horixe sentitu nuen.
2013/12/02, 20:00. Commercialen dagoen Cafe deux Soleils clubean poesia inprobisatua egiten dutela esan dit lagunak. Ordubete lehenago joan behar dela lekua hartzeko. Asteon izan naiz aurrenekoz. Ez da azkena izango. 1995eko udazkenetik astelehenero egiten da Vancouver Poetry Slam-a. Gutxi du inprobisaziotik, baina bikaina da eta paralelismo asko egin daitezke gurearekin.
2009rako Hitzetik Hortzeran ari nintzen. Txapelketa zoragarria izan zen. Eta hurrengo urteak ere bai. Mila oroitzapen. Adibidez 86ko finalistak, mende laurden geroago, Belodromoan bildu genituenekoa. Grabazio aurretxoan Jon Sarasua eta Andoni Egaña luzera jauzian zein gehiagoka, denak emanda. Bestea, akorduan dudana, 42 urtez 'galdua' egon zen dokumentala ikusi nuenekoa. Zestoako gizon baten egoskorkeriak erreskatatu zuen Pio Caro Barojak 1967ko finalaz egindako pelikula TVEko katakunbetatik. Zestoako gizon horren etxeko 'komedorean' ikusi nuen Xalbador kantua eten eta listua tragatzen.
2013/12/05, 01:33. 175€ko broma. Zertan pentsatzen ote nengoen hegaldia hartu nuenean!? Lehendik ez neukan aginaldoa joan zait bueltarako data finala baino lehenagora aldatzen. Eskerrak sarrera aspaldi erosia nuena.
Zure interesekoa izan daiteke
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Iñaki Viñasprek irabazi du 2026ko Arabako Bertsolari Txapelketa
Iñaki Viñaspre Simonek eta Unai Anda Delikak lortu dute puntu gehien lortzea 2026ko Arabako Bertsolari Txapelketako finalean, eta eurek kantatu dute buruz-burukoan. Azkenean, Viñasprek jantzi du txapela. Martxoak 3 elkarteko kideek jantzi diote txapela Viñaspreri.
Arabako Bertsolari Txapelketaren finala gaur arratsaldean jokatuko da eta zuzenean eskainiko du ORAIN albiste zerbitzuak
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi nor baino nor gehiago arituko dira Gasteizen, Europa Biltzar Jauregian. Martxoak 3 elkarteak jantziko dio txapela irabazleari.
Arabako Bertsolari Txapelketa
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi arituko dira nor baino nor gehiago finalean. 16:45etik aurrera, zuzenean.
Arabako sei bertsolari finalistak, larunbatera begira
Larunbatean, hilak 28, Europa Gasteizko biltzar jauregiak Arabako Bertsolari Txapelketaren finala hartuko du. Martxoak 3 Elkartearen ordezkariek jarriko diote txapela bertsolari irabazleari, Iñaki Viñaspre, Martin Abarrategi, Unai Anda, Aroa Arrizubieta, Maddi Agirre edo Peru Abarrategiri. ORAINen eta ETB1 ONen osorik ikusi ahalko da finala, 16:45etik aurrera, zuzenean.
Peru Abarrategik irabazi du Aramaioko finalaurrekoa eta erabakita geratu da nortzuk jokatuko duten Arabako Bertsolari Txapelketa
Maddi Agirre, Peru Abarrategi, Aroa Arrizubieta, Iñaki Viñaspre, Unai Anda eta Martin Abarrategi lehiatuko dira martxoaren 28ko finalean, Gasteizen.
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.