Aiert Goenaga Durangoko Azokako zuzendari kargutik kendu dute
Aiert Goenaga Durangoko Azokako zuzendari karguan ez berritzea erabaki du Gerediaga Elkarteak, ohar baten bidez jakitera eman duenez.
Oharrean, elkarteak esan duenez, bere helburuak hasteko "indar guztiek batuta egon behar dute", eta "erabaki bat baino gehiago" hartu behar izan dutela azaldu du, besteak beste, Aiert Goenaga kargutik kentzea.
"Goenagak ahalegin handiak egin ditu Durangoko Azokaren eredu berria ezartzeko, baina, tamalez, ez du zintzo jokatu", adierazi du Gerediaga elkarteak oharrean.
Elkartearen hitzetan, erabaki "zaila" izan da, eta euskal kulturan egonezina eragingo duela badakiela gaineratu du. "Halere, erabakia errespetuz hartzea espero dugu", nabarmendu du.
Gerediaga elkartearentzat, Durangoko Azokaren proiektua "ez da inoiz pertsonala izan, eta inoiz ez da hala izango". "Azoka ez du zuzendariak bakarrik egiten, talde osoak baizik. Hala egin izan dugu geure historia osoan", azpimarratu du.
Gerediagak azaldu duenez, 2012ko Azoka "arrakastatsua" izan zen bisitari kopuruari dagokionez, baina galera ekonomikoak uste baino handiagoak izan direla esan du.
Urtebetez bakarrik izan da karguan
Goenaga urtebetez izan da karguan, eta saio horretako 47. edizioa aurkeztu zuen, 2012ko abenduaren 6tik 9ra bitartean izan da.
Goenagak "oso lasai" dagoela esan du, Gerediaga Elkarteak hartutako erabakia ezagutu ostean. Halere, talde kulturalak azalpen publikoa eman eta gero baloratuko du erabakia.
Goenagak Jon Irabal zuzendaria ordezkatu zuen, azken hori azokako buru 30 urtez izan ostean.
Zure interesekoa izan daiteke
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.