Anna Gavalda idazle frantsesak Zilarrezko Luma jasoko du Bilbon
Liburu Saltzaileen Elkarteak eta Bilboko Liburu Azokak Zilarrezko Luma emango diote Anna Gavalda idazle frantsesari gaur, ekainak 6, Bidebarrieta liburutegian, literaturan egin duen ibilbideagatik. Golardoa jaso ondoren, Gavaldak "Billie" bere azken lana aurkeztuko du, eta ekitaldia amaitzeko, solasaldi bat egingo da (frantsesez, gaztelaniara itzulita) Idoia Jauregi Radio Euskadiko kazetariarekin. Hitzordua 19:30ean izango da, eta nornahi sartu ahal izango da eserlekuak bete arte.
Bidebarrieta Kulturgunetik jakinarazi dutenez, Anna Gavalda Frantziako gaur egungo nobelagile ospetsuenetakoa da. Bere lanen hamar milioi ale baino gehiago saldu dira mundu osoan, 20 bat hizkuntzatara itzulita. Kazetari hau Parisen jaio zen 1970ean, eta "Je voudrais que quelqu'un m'attende quelque part" 1999an argitaratutako ipuin bildumari esker, kritikarien eta irakurleen oniritzia lortu zuen.
Geroztik, Gavaldaren ibilbidea arrakastaz beteta egon da. Haren lehenengo eleberriak, "Je l'aimais" izenburukoak, Grand Prix RTL-Lire saria lortu zuen 2000an, eta bere ondorengo lanei esker -"Ensemble, c'est tout", "La Consolante" edo "La Vie en mieux", kasu-, idazle frantziarrik irakurriena bihurtu da.
"Billie" da gaztelaniaz argitaratuta daukan azken lana -Frantzian beste eleberri bat argitaratua du-. Bertan, egileak askoz ere hizkuntza lagunartekoagoa erabili du jarraitzaileen harridurarako, bi gazte protagonisten ahotan.
Zure interesekoa izan daiteke
Astiberri Bilboko argitaletxeak Edizio Lan Kultural Onenaren Espainiako saria irabazi du
Astiberrik 25 urteko bidea du atzean, eta “komikigintza goi literaturaren mailara igotzeko egin duen ezinbesteko ekarpena” saritu dio epaimahaiak.
Ramon Saizarbitoria: "'Ene Jesus'en ez dago moderno izan nahirik"
Erein argitaletxeak Ene Jesus Ramon Saizarbitoriak 1976an argitaratu zuen eleberria berrargitaratu du. Joxean Muñozen hitzaurre eta ilustrazio sail batek laguntzen du "amari buruz" diharduen istorioa, Muñozen hitzetan, "zaila baino gehiago, gogorra den kontakizuna".
Marjane Satrapi "Persepolis" komikiaren egilea hil da, 56 urte zituela, "tristurak jota"
Senideek zabaldutako oharraren arabera, Satrapik ezin izan du senarraren heriotza jasan.
Joseba Sarrionandiak "Leturiaren egunkari ezkutua" eleberriaren irakurketa abiatu du
Iurretar idazleak ireki du Bilbo Zaharra euskaltegiak antolatzen duen Klasikoen Irakurraldi Jarraitua. Leturiaren egunkari ezkutua Txillardegiren liburua irakurriko da aurten.
Zuzenean: Klasikoen XIX. Irakurketa Jarraitua
Bilbo Zaharra euskaltegiaren ekimenez, "Leturiaren egunkari ezkutua" Txillardegiren eleberria irakurriko dute aurten etenik gabe jendaurrean.
Ehunka Joxeba Leturia, ostegunean Arriagan
Hilaren 4an, “Leturiaren egunkari ezkutua” Txillardegiren eleberria irakurriko dute jendaurrean etengabe, Bilbo Zaharra euskaltegiak antolatzen duen Klasikoen Irakurraldi Jarraituaren 19. edizioan.
Literaturia, literaturaren erritmoan dardarka
Euskal Letren Plaza zabalduko da Zarautzen maiatzaren 29tik 31ra, “Dar-dar” lelopean: liburu azoka, aurkezpenak, perfomancea, mahai inguruak, ikastaroak, musika, kontzertuak…
Pamielak "Lehoikumea" berrargitaratu du, 1948an Orixek euskaratuta erbesteko Jaurlaritzaren eskariz
Lehoikumea album ilustratuak Jacques Preverten testuak eta Ylla argazkilariaren irudiak biltzen ditu, eta Nikolas Ormaetxea Orixek euskaratu zuen 1948an. Erbestean zen Eusko Jaurlaritzaren eskariz euskaratu zen, aberritik kanporatutako haur euskaldunek zer irakurri izan zezaten. Ia 80 urte geroago, Pamiela argitaletxeak moldatu eta berriz argitaratu du.
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.