Liburuaren Nazioarteko Egunaren ospakizuna uztailaren 23ra atzeratu dute
Koronabirusaren pandemia dela eta, Liburuaren Nazioarteko Egunaren ospakizuna uztailaren 23ra atzeratzea erabaki du Euskal Autonomia Erkidegoko Liburuaren Ganberak.
Liburuaren Eguna apirilaren 23an ospatzen da munduan. Egun horretan, Euskal Herriko hiri eta herri askotan liburu-saltzaileek azokak antolatzen dituzte eta idazleak beren liburuak sinatzera bertaratzen dira.
Jakin badakite, ordurako alarma egoera amaituta egon dela ez dagoela ziurtatuta eta, ondorioz, erakunde publikoekin eta osasun agintariekin elkarlanean aritzeko prest agertu dira, "aukera ezberdinak aztertu eta ospakizuna berme guztiekin egin ahal izateko".
Edonola ere, apirilaren 23an Liburuaren Eguna ospatzeko deia luzatu diete herritarrei, "etxetik eta Interneten jarriko diren ekimen ezberdinetan parte hartuz".
Zilarrezko Euskadi Sariak, udazkenean
Gipuzkoako liburu-saltzaileen elkarteak Liburuaren Nazioarteko Egunaren harira ematen dituen Zilarrezko Euskadi Sariak udazkenera arte atzeratu dira, koronabirusa dela eta.
Aurreko urteetan, irabazleen izenak iragarrita zeuden jada -euskarazko lan bati eta gaztelaniazko beste bati edo hizkuntza honetara itzulitakoa-, baina aurten, nahiz eta liburu-saltzaileek epaia eman, ez dute oraindik ezagutzera emango.
"Data baten bila ari gara. Uda ostean dena pilatuko da, baina asmoa urria inguruan egitea da, ahal bada behintzat ", azaldu du Adolfo Lopez Chocarrok, Gipuzkoako liburu-saltzaileen elkarteko presidenteak.
Zure interesekoa izan daiteke
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.