The Jayhawksen folk rock dotorea, Bilbon eta Iruñean
The Jayhawks 1985ean Minneapolisen sortutako taldeak kontzertua eskainiko du Bilboko Kafe Antzokian apirilaren 11n, larunbatarekin, eta Iruñeko Zentral aretoan apirilaren 17an. Besteak beste Smile (2000) diskoa merkaturatu zuen folk rock taldea Mark Olson sortzailerik gabe helduko da oraingoan.
The Jayhawks taldeak maisutasun handiz josten ditu iparramerikar folkaren doinuak eta pop-rocka, melodia gogoangarri eta dotoreak sortuz. Oraingoan, Gary Lous, Marc Perlman, Karen Grotberg, Tim O’Reagan eta Kraig Johnson taldekideek “Sound of lies”, “Smile” eta “Rainy day music” diskoetako kantuak joko dituzte batik bat, egungo kideekin, Mark Olson gabe, grabatutakoetakoak, beste klasiko batzuei ere tartea eginda.
Laredo madrildarrek girotuko dute lehenik gaua, Bilbon eta Iruñean, eta sarrerak 22 eta 25 euroan daude salgai.
Zure interesekoa izan daiteke
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.
Bonnie Tylerren ibilbidea, bost abestitan
Galesko artista mitikoa 75 urterekin hil da, baina 80ko hamarkadako pop-rockaren ikur bilakatu zenak kantu zoragarriak utzi ditu bere ibilbidean zehar, oraindik bizi-bizirik dirautenak. Horietako bost errepasatu ditugu.
Bonnie Tyler hil da, pop musikaren mitoa
Besteak beste, "Total Eclipse of the Heart" arrakastagatik ezaguna, 80ko hamarkadako abeslari ikonikoa bart zendu da, 75 urterekin, familiak ohar baten bidez jakinazi duenez.
Bilbao BBK Liveko sorpresetako bat, argituta: Arde Bogotá Kobetamendin izango da
Egitarauan Bigger Splash bere single berriaren izenez programatuta zegoen murtziar taldeak larunbatean joko du, 18:00etatik aurrera, agertoki nagusian.
Jose Gonzalezek piztu du Bilbao BBK Liveko musika
Argentinar-suediar kantautoreak kontzertua eskaini du bart, Guggenheim Bilbao Museoan, Bilbao BBK Live jaialdiaren Bereziak zikloaren barruan. Kobetamendin gaur, ostegunarekin, hasiko dira bozgorailuak aldarrika, eta, Bilbon, musika ez da igandera arte isilduko.
Kobetamendi, festibalarien zain
BIlbao BBK Livek uztailaren 9tik 11ra ospatuko du 20. urteurrena, Robbie Williamsen, Calvin Harrisen, Lily Allenen, Idlesen eta beste haimaika artista eta talderen doinupean. Jaialdiko eremua prest dago, publikoaren gozagarri.
Bilbao BBK Liveko altxor ezkutuak
Sara Zozaya, Apparat, Tomora, Fatoumata Diawara, Cervatana... Bilbao BBK Liveko jaialdiko kartelaren letra handien itzalean aurkitu ditugun hainbat talde eta artista interesgarri zerrendatu ditugu.
Jaso daitezke jada BBK Liveko eskumuturrekoak: Adi, ez ahaztu zurea
Jendetza bildu da gaur goizean BBK Aretoaren aurrean, sarrerak eskumuturrekoekin trukatzeko. Eskumuturrekoa jaialdira sartzeko ez ezik, eremuan edozer erosteko ere ezinbestekoa da; ez da eskudirurik ez eta kreditu-txartelik onartuko. Horrez gain, eskumuturrekorik gabe ezingo da jaialdirako autobusa hartu.
Immanuel Wilkinsen saxofoi boteretsuak itxi du Getxo Jazz
Saxofoi-jotzaile estatubatuarraren laukotea izan da Getxoko jaialdiaren azken gaueko protagonista. Beraiekin batera, Lurium banda frantziarra aritu da, Getxoko Nazioarteko 49. Jazzaldiko Talde Lehiaketako irabazlea.