9 film lehiatuko dira Dock of the Bay dokumentalen jaialdian
Dock of the Bay musikari buruzko dokumentalen Donostiako jaialdiak bederatzigarren edizioa ospatuko du aurten, eta, horretan, lehiaketaren barruan bederatzi film eta, lehiatik kanpo, sei lan gehiago ikusi ahalko dira. Horien artean, David Truebak Fran Nixoni buruz eginiko filma edo “Can’t stand losing you” Police taldeari buruzko lanaren Estatu mailako estreinaldia izango dira.
Urtarrilaren 9tik 16ra egingo duten jaialdian, ekimen paraleloak egongo dira, hala nola kontzertuak, erakusketa bat, musika-dokumentalari buruzko ikastegi bat eta hainbat publikazio. Azken horiei dagokienez, “Elefantes Rosas” Serge Gainsbourgi buruz Felipe Cabrerizok idatzitako biografia izango da argitaratuko duten lehen lana.
Dock of the Bayk nazioarteko eta bertoko lanei begiratzen die, eta, azken horietatik, “Sondido Pamplona” Nafarroako hiriburuan 80ko eta 90eko hamarkadetan sortu ziren taldeei buruz Beatriz Echeverriak eginiko dokumentala erakutsiko dute, besteak beste.
Halaber, "Don't Think I've Forgotten-Cambodia's Lost Rock and Roll" Kanbodiako eszenari buruzko lana, “Cool cats” Ben Webster eta Dexter Gordonek Danimarkan izandako bizipenen bilduma, Elliot Murphy eta Mavis Staplesi buruzko dokumentalak... Denetarik ikusi ahalko da Gipuzkoako hiriburuan, 8 egunez.
Urtarrilaren 13an, Elliot Murphyk berak kontzertu akustikoa emango du, gainera, berari buruzko filmaren emanaldiaren ostean, eta, hilaren 15ean, Fran Nixonenek kontzertua emango du Dabadaba aretoan. Bukatzeko, hilaren 16an, Sen Senrak ere joko du, toki berean, itxiera ekitaldian.
Lehiatik kanpoko filmek The Jamen, Janis Joplinen, Nina Simoneren eta Berlingo Harresia jausi osteko hamar urteetan Berlinen entzuten ziren taldeen musika eramango dute pantailara.
Gainera, “Can’t stand losing you” The Policeri buruzko dokumentala ere eskainiko dute, euskal zinema aretoetan lehenengoz; izan ere, 2013koa izanagatik, orain arte ez du banatzailerik izan lan horrek. Halaber, “Salir de casa” David Truebak Fran Nixon asturiar musikariari eginiko omenaldia estreinatuko dute.
Ingrid Guardiola, Cintia Gil, Jordi Costa, Javier Rebollo eta Felipe Cabrerizo epaimahaikideek hiru sari banatuko dituzte: dokumental onenaren saria (2.000 euro), Sade saria (1.000 euro) eta publikoaren saria.
likoaren saria.Zure interesekoa izan daiteke
XVIII. mendeko meza bat eta Carlos Menaren itzulera eskainiko ditu Arabako Antzinako Musika Asteak
Musika jaialdiaren 44. edizioa, Iruña Okako Santa Katalina lorategira eta Andetxara ere iritsiko da, Gasteizera ez ezik.
Bilbao BBK Live jaialdiak amaiera borobila eman dio bere 20. urteurrenaren ospakizunari
Bilbao BBK Live jaialdiak amaiera borobila eman dio bere 20. urteurrenaren ospakizunari, hiru egunetan Kobetamendi belaunaldien, kulturen eta musika ulertzeko moduen arteko topagune bihurtu ondoren. 112.500 pertsonak baino gehiagok gozatu dute aurtengo programazioaz, aniztasun artistikoak eta hiriaren zein naturaren arteko loturak sendotuz. Jaialdiak nazioarteko izaera baieztatu du, Bilborekin eta hurbileko talentuarekin duten lotura estua galdu gabe.
Arde Bogotak Kobetamendi girotu du, iragarri gabeko agerraldi batekin BBK Live jaialdian
Talde murtziarra Kobetamendiko agertoki nagusira igo da larunbat arratsaldean, BBK Live jaialdiaren unerik gogoangarrienetako batean. 'Bigger Splash' abesti berriaren izenpean iragarrita, taldea ia oharkabean igaro da karteletan.
Robbie Williamsek poparen errege izaten jarraitzen duela erakutsi du BBK Liven
Kantari britainiarrak Kobetamendin aurkeztu du bere azken lana, pop festa handi batean, musika, umorea, nostalgia eta futbola uztartuz. Horrela, Williamsek BBK Liven erakutsi du poparen erregea izaten jarraitzen duela.
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.
Bonnie Tylerren ibilbidea, bost abestitan
Galesko artista mitikoa 75 urterekin hil da, baina 80ko hamarkadako pop-rockaren ikur bilakatu zenak kantu zoragarriak utzi ditu bere ibilbidean zehar, oraindik bizi-bizirik dirautenak. Horietako bost errepasatu ditugu.
Bonnie Tyler hil da, pop musikaren mitoa
Besteak beste, "Total Eclipse of the Heart" arrakastagatik ezaguna, 80ko hamarkadako abeslari ikonikoa bart zendu da, 75 urterekin, familiak ohar baten bidez jakinazi duenez.
Bilbao BBK Liveko sorpresetako bat, argituta: Arde Bogotá Kobetamendin izango da
Egitarauan Bigger Splash bere single berriaren izenez programatuta zegoen murtziar taldeak larunbatean joko du, 18:00etatik aurrera, agertoki nagusian.
Jose Gonzalezek piztu du Bilbao BBK Liveko musika
Argentinar-suediar kantautoreak kontzertua eskaini du bart, Guggenheim Bilbao Museoan, Bilbao BBK Live jaialdiaren Bereziak zikloaren barruan. Kobetamendin gaur, ostegunarekin, hasiko dira bozgorailuak aldarrika, eta, Bilbon, musika ez da igandera arte isilduko.