Beste Bat Berritzen deialdia: 1,5 milioi euro zuzeneko arteak eta zinema sustatzeko
Beste Bat Berritzen deialdia aurkeztu du gaur Bingen Zupiria Eusko Jaurlaritzako Kultura eta Hizkuntza Politikako sailburuk, Gasteizen.
Iaz ere egin zuten programaren helburua covid-19aren pandemiak zuzeneko arteen eta zinemaren sektoreetan egindako kaltea nolabait arintzea da: "Zuzeneko arteen eta zinemaren programazioa areagotzea da helburua, sektoreko eragile guztien (sortzaileak eta talde eszenikoak eta musikalak, eta batez ere programatzaileak) jarduera profesionalean eragiteko", sailburuaren hitzetan.
Horretarako 1,5 milioi euroz lagunduko dira 2021eko azken hiruhilekoan eta 2022ko lehenengoan egingo diren ikuskizunak (1.300.000 euro) eta Europako eta/edo Latinoamerikako zinema erakusteko programak (200.000 euro).
Zuzeneko arteak
Zuzeneko arteei dagokienez, eskera egin nahi dutenek baldintza hauek bete behar dituzte: antzerkia, dantza, zirkua, bertsolaritza eta musika erakusteko programak izatea; ikuskizunak eta kontzertuak euskal konpainienak edo profesionalenak izatea; eta programazio proiektuak gutxienez 5 ikuskizun edo kontzertu izatea;
Testuan oinarrituta aurkezten diren ikuskizun eta kontzertu guztietatik gutxienez % 60 euskaraz izango dira, emanaldiak astelehenetik ostegunera bitartean egongo dira programatuta 20.000 biztanletik beherako herrietan kokatutako guneetan izan ezik (horietan asteko edozein egunetan programatu ahal izango dute) eta urriaren 27tik 2022ko martxoaren 31ra bitartean egin ahal izango da programazioa.
Dirulaguntzak eskatu nahi dituztenek egoitza soziala EAEn izan behar dute eta zuzeneko arteen programazioa egin ohi den EAEko espazioen titularrak edo/eta kudeatzaileak izan beharko dira.
Ikuskizun bakoitzagatik jasotako dirulaguntza ez da inoiz 3.500 euro baino gehiagokoa izango edo 4.000 eurokoa genero irizpidea aplikatzen bada. Gainera, erakunde bakoitzari eman ahal zaion gehieneko zenbatekoa 30.000 eurokoa izango da.
Zinema
Europako edo/eta Latinoamerikako filmen estreinaldietarako aurkezten diren proiektuek, berriz, baldintza hauek bete beharko dituzte: programazio proiektuak aretoko estreinaldiak diren edo estreinaldiaren ondorengo lau asteetan programatuta dauden 10 film jaso beharko ditu gutxienez; urriaren 27tik 2022ko martxoaren 31ra bitartean egin beharko da programazioa; eta Europar Batasuneko edo Latinoamerikako estaturen bateko nazionalitatea duten filmak baino ez dira kontuan hartuko.
Dirulaguntza ez da inoiz 2.500 eurotik gorakoa izango film bakoitzeko eta erakunde onuradun bakoitzari emandako dirulaguntzaren gehieneko zenbatekoa 25.000 eurokoa izango da.
Prozedura
Dirulaguntzak lehiaketa prozedura bidez ebatziko dira: aurkeztutako eskabideak aztertu eta modalitate bakoitzean ezartzen diren balorazio irizpideak hartuko dira kontuan.
Interesa dutenek gaurtik, urriak 28, azaroaren 29ra izango dute eskabideak aurkezteko epea.
Zure interesekoa izan daiteke
Euskal Herria, Ekialdea eta Mendebaldea lotu nahi dituen jaialdi hegokorear baten egoitza
Bakea, identitatea eta gizatasuna sustatu nahi dituen jaialdiaren kontzertu nagusia astelehenean, azaroak 17, izango da, Guggenheim museoan. Hego Koreako musikariak arituko dira, Gorka Hermosa, Garikoitz Mendizabal eta Josu Okiñena musikariekin batera.
Bad Bunny eta Ca7riel eta Paco Amoroso argentinarrak, garaile Latin Grammy sarietan
Bad Bunny izar handia eta gaur egungo bikote argentinar ospetsuena, Ca7riel eta Paco Amoroso, izan dira sari gehien irabazi dituztenak, urrezko bosna gramofono jaso baitituzte. Karol G-k abesti onenaren saria irabazi du "Si antes te hubiera conocido" lanarekin, eta Alejandro Sanzek ezustekoa eman du bi gramofono eskuratuta.
Neomak: "Beldurrek eragiten dizkiguten zalantzei abestu diegu"
Euskal folklorea eta elektronika uztartzen dituen proiektua laukote bilakatuta dator "Lazturak orbain" bigarren diskoa aurkezteko. Alaitzek, Garazik, Iratik eta Leirek, nolanahi den, Etxahun Urkizu (bateria) eta Eider Villalba (teklatua eta ahotsak) musikarien laguntza izango dute zuzenekoetan. "Orbainak ezkutatu beharrean, erakutsi nahi izan ditugu", esan diote Asier Otegui kazetariari "Egun On" saioan, "eraldaketa agerian utzi; indargune direla azpimarratuz, ahultasun gisa hartu beharrean, hausturak eta konponketak historiaren parte baitira".
"Kanthoria eta Auto-tunea", euskarazko musikaren historia entzungai eta ikusgai, Bilbon
Azaroaren 6tik abenduaren 4ra, Bilboko Abando Udaltegiak "Kanthoria eta Auto-tunea" Musika Bulegoak paratutako erakusketa hartuko du. Xabier Erkizia ikertzaile eta soinu-sortzaileak komisariatu du erakusketa, eta bidaia bat proposatzen du ahozko tradizioan jasotako lehen kantuetatik hasi eta musika sortzeko forma hibrido eta digital berrietara arte. Erakusketak material dokumentalak, irudiak eta entzuteko gailuak konbinatzen ditu. Musika; Bereterretxeren khantoria (Kalakan + Euskadiko Orkestra), Bertso Hop (Negu Gorriak), Tesla bat sutan (Merina Gris + Gorka Urbizu).
Bigsound jaialdi berriak Myke Towers, Juan Magan, Omar Montes eta Ben Yart eramango ditu Barakaldora
Valentzia, Sevilla eta Pontevedran ere egiten den jaialdia Ansioko azoka eremuan, Barakaldon, egingo dute 2026ko uztailaren 3an eta 4an, Euskal Herrian lehenengoz.
Iñigo Etxezarreta: "Disko berri batekin eta aurkezpen ekitaldi berezi batekin gatoz bueltan"
Urtebeteko "atseden kreatibo" baten ondoren, Iñigo Etxezarretak (ETS) taldearen itzuleraz hitz egin digu, disko berriaz (Konkista, abenduaren 5ean salgai) eta lan horren aurkezpen jai bereziaz: azaroaren 30ean izango da, Gasteizko Buesa Arena pabiloian.
Euskadiko Orkestra, 132 abeslari ez-profesionalen bila
Abestu Euskadiko Orkestrarekin ekimenaren bigarren edizioan izena emateko epea abenduaren 4ra arte egongo da zabalik. Kontzertuak martxoan izango dira, Bilbo, Donostia eta Iruñean, eta izena ematen dutenek “gutxieneko musika prestakuntza izan eta partiturak irakurtzen jakin beharko dute”.
Bulego eszenatokietara itzuliko da 2027ko martxoaren 6an, Bilbao Arenan
Euskaldunan hiru kontzerturekin bira amaitu ostean, atseden hartuko du 2027ra arte. Sarrerak azaroaren 13an (komunitateko kideentzat) eta 14an (gainerakoentzat) jarriko dira salgai.
Karmele Jaio BOSi batuko zaio Xostakovitxen "Leningrad" interpretatzeko
Gasteiztar idazleak eta Bilbao Orkestra Sinfonikoak, Vasily Petrenkok gidatuta, Dmitri Xostakovitxen "7. sinfonia" interpretatuko dute Euskaldunan, azaroaren 6an eta 7an.
Joaquin Sabinaren agurra, euskal publikoaren txalo artean
Ostiralean euskal publikoari behin betiko agur esan aurretik (egun horretan kontzertua du, BECen ostera ere), “Hola y adiós” Joaquin Sabinaren azken bira BECera iritsi da bart. Lágrimas de marmol kantua aukeratu zuen emanaldia abiatzeko.