IZAROk "Limones de Oro" apirilaren 29an kaleratu, eta bira luze batean aurkeztuko du
IZAROk apirilaren 29an merkaturatuko du "Limones de Oro" bere laugarren diskoa. Bihartik, otsailak 25, eskaera egin ahalko da artistaren webgunean, kaleratzen dutenean sinatuta jasotzeko.
"Limones de Oro" kolaborazioen disko bat izango da, eta hauek izango ditu lagun IZAROk bertan: Alex Ferreira eta Bratty (Mexiko), Daymé Arocena (Kuba), Duda in the sky (Brasil), Zahara, Pedro Pastor, Xoel Lopez, Rozalen, Amaral, eta Euskal Herritik, Eñaut Elorrieta, Cris (Belako), Mikel Urdangarin, Gartxot eta Eñaut Gaztañaga (Grises, Ezpalak).
Horiekin batera, IZAROk bere kantuen 13 bertsio berri, bi abesti berri eta moldaketa bat aurkeztuko ditu.
Hau gordeko du "Limones de Oro" diskoak:
1. DISKOA
A aldea
"Ventanas Cerradas" feat Pedro Pastor
"Delirios" feat Zahara
"Grace", Bess Atwellena feat Gartxot
"Argia" feat Amaral
B aldea
"La Felicidad" feat Daymè Arocena
"Errefuxiatuena" feat Mikel Urdangarín
"Paris" feat Eñaut Elorrieta
"Eider" feat Silver Rose
2. DISKOA
A aldea
"Invierno a la vista" feat Xoel López
"Aquí" feat Duda in the Sky
"Un poquito más" feat Alex Ferreira
"Mi canción para Elisa" feat Rozalén
B aldea
"Libre" feat Cris (Belako)
"Astelehenak" feat Eñaut Gaztañaga
"Oso Blanco" (Plata)
"Patinar sobre hielo" feat Bratty
Bira
Aurkezpen bira oso kontzertu berezi batek abiatuko du, martxoaren 5ean: Vetusta Morla taldeak Bataclan Parisko aretoan emango duen kontzertua irekiko du IZAROk. Euskal Herrian, Anoetako Belodromoan izango da lehen kontzertua, inoiz euskal emakumezko bakarlari batek espazio horretan proposatutako lehenengoa.
IZAROk ETBko Albistegiekin hitz egin du, Belodromoan bertan (emisioa, 2022-02-24)
Gainera, Bilbon, Euskalduna jauregian, ere aurkeztuko du lana, maiatzaren 22an, eta birak Parisera (maiatzak 20), Valentziara (maiatzak 27), Zaragozara (maiatzak 28) eta Argentinara, Cordoba, Rosario eta Buenos Aires hirietara, ere eramango du.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.