Joseba Tapiak jasoko du aurten Adarra saria
Joseba Tapia musikariak jasoko du aurten Adarra saria, Donostiako Udalak eta Donostia Kulturak "euskal musikaren arloan garrantzi edo eragin bereziko ibilbidea egin duen edo egiten ari den artista bati omen egiteko" 2014an sortu zuten saria, Jose Joaquin Forcada Forki kazetariak, Auria Etxeandia EGOko komunikazio arduradunak eta Esther Fernandino Donostia Kulturako Musika ataleko teknikariak ebatzitakoari jarraituta.
Saria emateko, argudio hauek aurkeztu ditu epaimahaiak: "Joseba Tapiaren ibilbide luzea, moldakortasuna (era askotako estiloetan eta musikari handi askorekin frogatu baitu bere musika-bikaintasuna), herri-musikaren ondarea kontserbatu eta zabaldu izana, eta hainbat eta hainbat pieza berri konposatu izana, bai eta akordeoiak askotariko musika-ingurune eta giroetan duen gaurkotasuna frogatu izana ere".
Saria jasoko zuela jakindakoan, hauxe adierazi zuen Tapiak: "Aurretik sarituak izan diren euskal kantari horien belaunaldiko, ekipoko, taldeko sentitzen naiz. Euskal kantari profesionalak gara eta borrokan ari gara euskararen eta artearen alde. Sari hau nire izenean badator ere, nirekin ibili diren eta dabiltzan musikari, teknikari eta profesional guztiekin partekatu nahiko nuke".
2014tik hona, artista hauek saritu ditu Donostiako Udalak: Mikel Laboa, Ruper Ordorika, Benito Lertxundi, Fermin Muguruza, Anari, Berri Txarrak, Kepa Junkera eta Amaia Zubiria.
Joseba Tapiak ekainaren 21ean, Musikaren Europako Egunean, jasoko du saria, Marijose Rekalde eskultoreak egindako garaikurra, Victoria Eugenia antzokian. Jarraian, kontzertua eskainiko du, musikari hauek lagunduta: Nerea Erbiti (ahotsa), Olaia Inziarte (ahotsa), Kristina Aranzabe (ahotsa), Iñigo Telletxea (baxya), Iker Uriarte (jazbana), Jexux Aranburu (teklatua), Ion Celestino (tronpeta), Amets Aznarez (tronboia), Ibon Irixoa (saxofoi tenorra) eta Mixel Ducau (saxofoi altua).
Tapiak apirilaren 28an antzoki horretan bertan eman behar zuen kontzertua ordezkatuko du ekainekoak, eta sarrera horiek hitzordu berrirako baliagarriak izango dira.
Ekainaren 21eko kontzerturako sarrerak gaur, apirilak 6, jarri dira salgai, 18 euroan, Victoria Eugenia Antzokiko eta Antzoki Zaharreko leihatiletan eta Sarean.
Albiste gehiago musika
Bruce Springsteen Donostian da jada
Bart Frankfurten kontzertua eskaini ondoren, Springsteen eta bere talde osoa Hondarribiko aireportura iritsi dira bi charter hegalditan. Dozenaka lagun zituen zain Donostiako Maria Cristina Hoteleko atean, datozen egunetan bere kuartel nagusia izango den hotelean. "Boss"ek bi kontzertu eskainiko ditu Anoeta estadioan. Lehenengoa larunbatean izango da, 38 000 jarraitzaileren aurrean, eta bigarrena, berriz, datorren asteartean, ekainaren 24an.
50.000 musikazale espero ditu ateak ireki berri dituen Azkena Rock jaialdiak
Dinosaur Jr. estatubatuarrak izango dira osteguneko kartelburuak.The Damned britainiarren punka ere entzungai izango da. Ostiralean, John Fogerty eta bi urteren ostean Azkenara itzuliko den Lucinda Williams izango dira izen nagusiak. Johnny Rotten Sex Pistolseko abeslari ohiak intentsitatea jarriko du. Larunbatean Manic Street Preachers talde ezagunak, The Flaming Lipsen psikodeliak eta The Hellacopters suediarren 30. urteurrenak emango diote amaiera 23. edizioari.
Dena prest da Mendizabalan, Azkena Rock Festival hartzeko
Gaur hasiko da Gasteizko rock jaialdi beteranoaren 23. edizioa. Alfonso Santiago arduradunak esan digunez, "modan ez dagoen festibala" da Azkena Rock Festibal.
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.
?fmt=png-alpha&qlt=80)
Udan barrena, rock-and-rollaren doinupean
Azkena Rock Festivalen 23. edizioa ekainaren 19, 20 eta 21ean egingo dute Gasteizen, Mendizabalako eremuan. Ez dirudi ideia txarra udarako sarrera (larunbat goizaldean sartuko gara udan) John Fogertyren, Lucinda Williamsen edo Manic Street Preachersen eskutik egiteak.
Bilborekin zuen zorra ordaindu du Alan Parsons mito handiak
Musikari eta ekoizle britainiarrak kontzertua eman du larunbat honetan BBK Bilbao Music Legends Fest jaialdian, 2022ko edizioan parte hartzeari uko egin behar izan ostean.
Euriak ez du itzali Anoetako "akelarre antifaxista"
Fermin Muguruzak 30.000 lagun bildu ditu Donostian, 40 urteko ibilibide musikala ospatzeko, Palestinaren aldeko aldarri solidarioen artean. Gainera, abeslariak beste kontzertu bat iragarri du abuztuaren 14an, Irunen.
Anoeta Palestinaren aldeko aldarri bihurtu dute Fermin Muguruzaren zaleek
Euriak ez ditu Anoetan bildutako milaka zaleak kikildu, eta Palestinari elkartasuna erakutsi diote, Irungo musikariaren kontzertuaren atarian.
Fermin Muguruza: "Emango ditudan azken kontzertuak bezala bizitzen ari naiz"
30.000 lagun espero dira larunbat gau honetan Anoetan, Fermin Muguruzaren kontzerturako. Talde desberdinek parte hartuko dute 7 orduko ikuskizunean eta 21:00etan irtengo da oholtzara Fermin Muguruza. Kontzertuaren atarian berarekin egoteko aukera izan dugu.