Jaialdien segidan, BBK Music Legendsen txanda asteburu honetan
Joan den asteburuan, Azken Rock Festivalek jaialdi erraldoien martxa abiatu zuen Euskal Herrian, eta asteburu honetan BBK Muisc Legendsen txanda izango da. Musikari beteranoak ekarri ohi dituen jaialdiak Sondikatik Bilbora egin du edizio honetarako, eta kontzertua Bilbao Arenan izango dira gaur-biharretan, ekainak 24 eta 25.
Lehen eguneko programazioaren buru Status Quo britainiar rock talde mitikoa izango da, eta haren aurretik joko dute Anarik, Maika Makovskik eta Girlschool taldeak. "Whatever you want" eta "Rockin' All Over the World" klasikoaren interpreteen ondoren, berriz, Hawkwind space rock taldeak joko du.
Gainera, Voodoo Child Agertokian, Micky & The Buzz taldeak joko du, baita Gonzalo Portugalek ere.
Bihar, larunbatarekin, Alan Parsonsen kontzertua bertan behera gelditu eta gero, Loquillo izango da kartelburua, eta haren aurretik joko dute Mikel Renteria & The WOP Bandek, Shirley David & The Silverbacksek, Walter Troutek eta Paul Carrackek.
Hau da egitarau osoa.
Ekainak 24 ostirala
Ateen irekiera 16:45ean
17:00 ANARI
18:30 MAIKA MAKOVSKI
20:00 GIRLSCHOOL
21:30 STATUS QUO
23:30 HAWKWIND
Voodoo Child Agertokia:
19:30-20:00 Micky & The Buzz
21:00-21:30 Micky & The Buzz
22:45-23:30 Gonzalo Portugal
Ekainak 25 larunbata
Ateen irekiera 13:30etan
13:30 "Txakoli Session"
17:00 MIKEL RENTERIA & THE WOP BAND
18:15 SHIRLEY DAVIS & THE SILVERBACKS
19:55 WALTER TROUT
21:25 PAUL CARRACK
23:25 LOQUILLO
Voodoo Child Agertokia:
19:15-19:45 Santiago Delgado & Los Runaway Lovers
20:55-21:25 Santiago Delgado & Los Runaway Lovers
22:40-22:25 Javi "Stills" & Co.
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.
Mikel Erentxunen bira Donostiara iritsi da
2025 urte osoan zehar 50 bat kontzertu eman ondoren, Kursaal jauregian izan da Mikel Erentxun, Duncan Dhu taldearen lehen diskoaren 40. urteurrena ospatzeko egindako biraren barnean. Kontzertu horietan famatu egin zuen taldearen abesti ezagunenak eskaintzen ditu, baita inoiz kontzertu batean jo ez zituzten kantu batzuk ere.
Bizardunak eta Rita Payes, Santaspascuas jaialdia hasteko
Gaboneroko Iruñeko musika jaialdiaren programazioa Bizardunak taldeak abiatuko du ostegunean Zentralen, eta kataluniar tronboi-jotzaile, abeslari eta konpositorea igandean arituko da, Baluarten.
Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.
BECeko azken kontzerturako sarrera guztiak salduta, Pantxoa eta Peio beste aukera batzuk aztertzen ari dira
Bikote musikalak bere historiako azken emanaldia emango du 2027ko urtarrilaren 10ean, eta ordu gutxian agortu dira sarrerak, salgai jarritako egun berean.