Kepa Junkera: "Laguntza handia behar dut, eta oso esker oneko nago"
2018ko abenduaren 5ean, dena erdiz erdi aldatu zen betiko Kepa Junkerarentzat eta haren ingurukoentzat: egun horretan, herri musikan zalantzarik gabe toki nabarmena duen musikariak iktusa izan zuen Belgikan, kontzertu bira bat egiten ari zela. Kasik lau urte geroago, errealitate berrira egokitzeko prozesu betierekoan aurrera jarraitzen du Junkerak urratsez urrats, berezkotzat duen adoreak bultzatuta: "Oso burugogorra naiz orain, lehen ere, eta izango ahal naiz gero ere".
Junkera elkarrizketatu dugu, familia tarteko dela, eta, hasteko, nola dagoen azaldu digu: "Izorratuta, esan ohi dudanez. Laguntza handia behar dut beti, eta oso esker oneko nago guztiokin".
Natxo de Felipe musikariak (Oskorri) Berpiztu trikitilariaren historiari buruzko dokumentalean esaten duenez "trikitiarentzat mundu berri bat amestu eta asmatu" zuen musikaria "pozik" dago, "ni baino okerrago dagoenik bada eta", baina, esan gabe doa, "seme-alabak eta familia sufritzen ikustea da zailena".
Iktusa, hain zuzen ere, gure gizartean desgaitasun kasu gehien sortzen dituen gaixotasuna da, eta heriotzen arrazoi nagusia, emakumeen artean. 2021ean, 11.700 iktus kasu zenbatu zituzten Araba, Bizkai eta Gipuzkoan; hots, horrenbeste aldiz eten zen odol isuria garunean edo apurtu zen bertan zain edo arteriaren bat. Hori gertatzen da, funtsean, iktusa izaten denean.
Azaroaren 20an, Junkera Bilboko Azkuna Zentrora bertaratu zen Berpiztu EITBren parte-hartzea duen dokumentala, Fermin Aio zuzendariak "esfortzuari, amets beteei, gaixotasunari eta mugak gainditzeari buruzko istorio"tzat definitu duen lana, aurrestreinatzeko ekitaldira, eta bertatik bertara jaso zuen ostera ere publikoaren maitasuna.
ELKARRIZKETA FERMIN AIO BERPIZTU FILMAREN ZUZENDARIAREKIN
"'Berpiztu' esfortzuari, amets beteei, gaixotasunari eta mugak gainditzeari buruzko istorioa da"
"Txundituta nago jendeak erakutsi didan maitasunarekin. Ez nuen halakorik espero", baieztatu du musikariak. Berriz ere, hainbat proiektutan buru-belarri murgilduta dago, hala nola Durangoko Azokan eskuragarri izango den liburu baten sorkuntza lanetan, zeinetan bere ibilbidea laburbildu baitute oso formatu txukunean: "Pentsatzera bultzatzen nauten lagun askoren laguntzaz jarraitzen dut".
Musika, noski, ez da isildu Junkeraren inguruan, eta "onen eta onenen" doinu eta erritmoak entzuten jarraitzen du, norberaren eta ingurukoen gorputz, emozio, pentsamendu eta errealitateak inarrosten dituen gaixotasunak eragindako orainari eta geroari egokitzeko lanean atertu barik ari delarik: "Oso zaila izan da denontzat, baina, gurasoengandik zerbait ikasi banuen, kexu ez izaten da hori".
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.