Su Ta Gar, Merina Gris, Teresa Catalán, Neomak eta Kepa Junkera aitortu dituzte Musika Bulegoa sarietan
Euskal Herriko Musika Bulegoak joan den urteko musika proiektu esanguratsuenak aukeratu ditu Musika Bulegoa sarien zazpigarren edizioan, eta Errenteriako Lekuona Fabrikan arratsaldean egindako ekitaldian banatu ditu sariak.
Sariak, Amaia Ispizua Euskal Herriko Musika Bulego Elkarteko ordezkariak azaldu duenez, "euskal musikaren aniztasunaren isla" dira, epaimahaiak aztertu dituen 120 proiektuek eta saridunen zerrendak berak erakusten dutenez.
Epaimahaiak artista eta talde hauen lana azpimarratu du: Merina Gris ("Zerua orain" diskoa), Su Ta Gar ("Alarma"), Neomak (taldearen lehen diskoa, homonimoa), MICE ("Lautada" diskoa), Ines Osinaga ("#itsasoadabidebakarra"), Teresa Catalán ("La victoria vacía" obra, Elkanoren munduko biraren 500. urteurrenaren harira Euskadiko Orkestra Sinfonikoak egindako enkargua), Enrike Solinis ("Ars Lachrimae" laute barrokorako 16 kantuko errepertorioa biltzen duen lana) eta Elena Setién ("Unfamiliar minds").
Agus Barandiaran Korrontzi taldeko trikitilariak, Gabriel Erkoreka konpositore eta Musikeneko irakasleak, Gema Sanchez AlEnRUTAko koordinatzaileak, Iker Bárbara Zarata Mondo Sonoro aldizkariko arduradunak, Maite Larburu biolin-jotzaile eta kantautoreak, Maria Taosa Radio3eko kazetariak, Mark Barnes ERESBIL Musikaren Euskal Artxiboko dokumentazio eta partitura arduradunak eta Sonia Duran Unión Fonográfica Independiente (UFI) elkarteko gerenteak osatu dute epaimahaia.
Horrez gain, Etxepare Institutuak Oreka TX taldea goretsi du "euskal musika mugaz kanpo, nazioartera, zabaltzeko egindako lana" aitortzeko urtero ematen duen sariaren bidez.
Nola epaimahaiak aukeratutako zortzi proposamenek hala Oreka TXk 2.000 euroko diru-saria eta Fernando Mikelarena artistaren eskultura bat jaso dute.
Horrez gain, Musika Bulegoa elkarteko zuzendaritza batzordeak ohorezko sari berezia eman dio Kepa Junkera musikariari, "euskal kultura eta euskara nazioartera modu berritzailean eramateagatik, trikitixa erritmo, instrumentu eta estilo berrietara egokituz".
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.