AEBk legez kanpoko monopolioa egotzi dio Ticketmasterri, sarreren salmentan
AEBko Gobernuak Live Nation konpainiaren, Ticketmaster sarrerak salerosteko webgunearen jabearen, aurkako salaketa jarri duela iragarri du bart, ostegunarekin, idatziaren arabera "enpresak azken urteetan eraiki duen monopolio ilegala bukatzeko".
Justizia Departamentuak, estatu eta barruti mailako 30 fiskal nagusirekin batera, monopolioaren aurkako demanda zibila aurkeztu du New Yorkeko Hego Barrutiko Auzitegian, enpresari "monopolizazioa eta merkatuetan lehiakortasuna oztopatzen duten beste hainbat jarrera ilegal" egotzita.
Merrick Garland AEBko fiskal nagusiak esan duenez, salaketa ez dute ekarri enpresak ezartzen dituen "salneurri neurrigabeek eta arrakala teknologikoek", ezpada "lehiakortasunaren aurkako jarduera ilegalek".
Konpainiak, Garlanden esanetan, "lehiakortasuna eta sarreren salmenta blokeatzen ditu", besteak beste, hamarkada bat baino gehiagoko salmenta kontratu eskusiboen bidez edo kontzertu eremuak erosiz.
Kontzertu aretoetako sarrera salmenten % 80 ditu kontrolpean, gutxienez, Live Nationek; 400 artistaren baino gehiagoren kontzertuak kudeatzen ditu; AEBko kontzertu guztien % 60ren sustapenaz arduratzen da eta AEBko entzunareto handien % 60ren kontrola du.
Horren eraginez, fiskalaren ustez, zaleek "gehiago ordaintzen dute" eta "artistek kontzertuak emateko aukera gutxiago dituzte". Gainera, "kontzertu-antolatzaile txikiagoak zirkuitutik kanpo gelditzen dira eta aretoek baliabide gutxiago dituzte sarrerak saltzeko".
Hain zuzen ere, salaketak dio Live Nation-Ticketmasterrek Sherman Legearen 2. atala hausten duela. Arau horrek merkataritza bidegabe murrizten duten konspirazioak debekatzen ditu, baita lehiakidek akordioak egitea ere, salneurriak edo soldatak ezartzeko, zein lizitazioak manipulatzeko.
Albiste gehiago musika
Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal musika popularra eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak "Mitoaroa III" ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.