Gatibuk hirugarren kontzertu bat eskainiko du 2025eko abenduaren 6an 25 urteko ibilbideari amaiera emateko
Gatibu taldeak hirugarren kontzertu bat eskainiko du 25 urteko ibilbideari amaiera emateko. Kontzertua 2025eko abenduaren 6an izango da, Bizkaia Arenan (BEC), eta sarrerak astelehenean jarriko dira salgai, 12:00etan.
"Ia bi aste pasa dira azken bi kontzertuetako sarrerak agortu zenituztela jakin genuenetik, eta oraindik ametsetan jarraitzen dugula iruditzen zaigu. Gatibu proiektua hasi genuenean, sekula ez genuen imajinatuko zuen alboan 25 urteko ibilbidea egin eta horrela amaituko genuenik, zuen babes eta maitasunez inguratuta", azaldu dute taldeko kideek Instagram sare sozialean.
"Dena merezi duzue, eta nahi beste eman ezin badizuegu ere, bada zuengatik egin ahal dugun zerbait. Lantaldean bilera ugari egin ditugu egun hauetan, milaka dei, bazter guztiak nahasten ibili gara… baina lortu dugu. Badator hirugarrena", erantsi dute.
Agurreko lehen kontzerturako sarrerak bi ordu eta erdian agortu ziren, eta bigarren kontzerturako sarrerak ere bi ordu baino gutxiagoan saldu ziren.
Bi hitzorduetarako sarrerak agortuta, Gatibuk iragarri zuen ez zuela baztertzen hirugarren kontzertu bat ematea, eta gaur baieztatu du.
Alex Sardui buru duen taldea 2025ean desegingo da, 25 urteko ibilbidea betetzen duen urtean, hain zuzen ere. Gatibuko egungo hiru kideek, Alex Sarduik, Haimar Arejitak eta Gaizka Salazarrek, ETB1eko 'Biba Zuek' saioan baieztatu zuten euren agurra: "2025ean taldeak 25 urte beteko ditu, eta uzteko urte oso ona dela erabaki dugu".
CONTENIDO NO ENCONTRADO
"Ez dugu eztabaidarik izan, naturala izan da. [...] Pena handia ematen du, baina, aldi berean, pozik eta gogotsu gaude, eta falta denarekin", gaineratu zuten.
2000. urtean ekin zion bideari Gernikako taldeak, eta hamar disko plazaratuta utziko dituzte agertokiak. Euskal Herri osoan ez ezik, mundu zabaleko herrialde askotan ere itzala izan dute horren doinu dantzagarriek azken urteotan.
Mende laurdenean, euskal musikaren abesti handienetako asko sortu ditu Gatibuk, hala nola Musturrek sartunde, Lorak eskeintzen, Zeu, zeu, zeu!, Euritan dantzan eta Gabak zerueri begire.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.