Robert Treviñok eta Oriol Rochek ez dute Euskadiko Orkestraren zuzendaritzan jarraituko

Robert Treviño zuzendari artistikoak eta Oriol Roch zuzendari nagusiak ez dute Euskadiko Orkestran jarraituko, taldearen Administrazio Kontseiluak, gaur, urtarrilak 27, egindako bileran adostu dutenez.

Robert Treviñok zortzi urteko zikloa amaituko du orkestraren zuzendari titular gisa, eta berehalakoan utziko du bere postua.

Erabakia "norabide-aldaketako prozesu baten parte da", orkestratik azaldu dutenez: "Ziklo artistiko bat ixten du eta berri bati ateak irekitzen dizkio, zeinak ikuspegi berriak eman behar dizkion Euskadiko Orkestraren proiektuari, musika-prestakuntzak hazten eta bere ibilbide profesionala zabaltzen jarrai dezan".

Gainera, hamar urte eta erdiren ondoren, Oriol Rochek zuzendaritza nagusia utziko du "hurrengo hilabeteetan".

Administrazio Kontseiluak eskerrak eman dizkie bi zuzendariei "azken urteetan Euskadiko Orkestraren zerbitzura egindako lanagatik, eta bi zuzendaritzak berritzeko lanean ari da". Gainera, "denboraldi amaierara arte diseinatuta zituen proiektu guztiekin jarraituko du".