Hatortxu Rock jaialdiak Latzen, Afu, Skatu eta Alaitz eta Maider taldeen buelta iragarri du
30. edizioarekin azkena joko duen ETAko presoen aldeko jaialdiak kartela betetzen jarraitzen du, eta izen gehiago batu dizkio orain artekoei: Buitraker, Autobus Magikoa, Never Surrender, Tatxers, Dupla, Skabidean, Chulería, Joder!, Gatibu, Brigade Loco, Non Servium, Sukena, Bulego, La Jodedera...
Latzen, Afu, Skatu eta Alaitz eta Maider bueltan dira berriz. Oñatiko heavy taldeak zuzenekoa emango du, hirugarren etapa honetan, Hatortxu Rock jaialdiaren 30. eta azken edizioan; uztailaren 24tik 27ra egingo dute jaialdia, Lakuntzan.
Latzen taldea 1993an sortu zuten, Oñatin, eta maketa bat (Heriotzari deika, 1995) eta bi disko (Kontzientzia ala infernua, 1996, eta Ardi larruz, 1998) argitaratu zituen, 1999an banandu aurretik. 2007an, laukoteak itzulera bira bat egin zuen, Hellmuga diskoan jasoa gelditu zena. Orain, 17 urte geroago, "Laztana", "Ze ingo xu" eta beste kantu asko berriz entzungo dira agertokitik, Lakuntzan oraingoan.
Afu Barañaingo salsa-reggae taldea da. 2020an atera zuten azken diskoa, "Larruazalean". Haien jaioterrian eman zuten azken kontzertua, herriko jaietan, 2023ko ekainean, "AFU azken dantza" izenpean. Hiru aldiz egon dira Hatortxun, eta agertokiak utzi eta bi urtera, laugarren hitzordu bat izango dute Hatortxurekin.
Skatu Iruñerriko hainbat gaztek osatu zuten 2007an. Ska-reggae taldeak, zortzi urteren ostean amaitu zuen ibilbidea. 2015eko abenduan jo zuten azken kontzertuan, non eta Hatortxu Rockeko 18. edizioan.
Alaitz eta Maider Oiartzungo bikoteak trikiti-pop erritmoak josi zituen 1989 eta 2004 artean. Bi hamarkada igaro dira eta berriz ere oholtza batera igoko dira. Hatortxu Rockeko agertokian ez dira bakarrik egongo eta haien ibilbide luzeko kanta gutxi batzuk bat taularatuko dituzte Iruñeko Burutik taldeak lagunduta.
30. edizioarekin azkena joko duen ETAko presoen aldeko jaialdiak kartela betetzen jarraitzen du, eta izen gehiago batu dizkio orain artekoei: Buitraker, Autobus Magikoa, Never Surrender, Tatxers, Dupla, Skabidean, Chulería, Joder!, Gatibu, Brigade Loco, Non Servium, Sukena, Bulego, La Jodedera, Ibil Bedi, Süne, Kaotiko, Banda Bassotti, Betagarri, Eñaut Elorrieta, Gozategi…
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.