Alice Cooper eta Social Distortion, Azkena Rock Festivaleko lehen izen handiak
Gasteizko rock-and-roll jaialdiaren 24. edizioan Imelda May, Old Crow Medicine Show, Evaristo eta Sleaford Mods ere egongo dira, besteak beste. Aurretik jaialdira joan direnentzako aurresalmenta bihar, asteazkenarekin, abiatuko dute, eta salmenta orokorra asteartean, azaroak 4, hasiko da.
Alice Cooper mitikoa izango da jakin-min handiena piztuko duen artistetako bat
Alice Cooper mitikoa eta Social Distortion, Mike Ness abeslari eta gitarrista buru dutela hastapenetako punk-rocketik amerikar rock bareagora lerratu den taldea, dira Azkena Rock Festivalen hurrengo edizioko, 24.eko, lehen izen handiak. Jaialdia ekainaren 18, 19 eta 20an egingo dute.
Cooper bere aurreko bisitatik 17 urte pasatu direnean itzuliko da Gasteizera, eta kaliforniar taldea 2022an izan zen ARFn. Bi kontzertuok taldeek Espainiako Estatuan 2026an egingo dituzten emanaldi bakarrak izango dira.
Zerrendako bi izen nagusiez gain, Mendizabalako agertoki gainean egongo dira Imelda May, Jason Isbell & the 400 Unit, Old Crow Medicine Show, Sleaford Mods, sugar, The Adicts, Evaristo, Circle Jerks, Corrosion of Conformity, Therapy?, The Damn Truth, The Del Fuegos, Discharge, Split Dogs, Starbenders, Tropical Fuck Storm, Voivod, Rodeo eta Nhil.
Imelda Mayk bere kantu-zerrendako abestirik rockeroneak eskainiko ditu, Sugar taldea desegin eta hogeita hamar urtera iritsiko da jaialdira eta Therapy?-k hasi eta buka joko du Troublegum diskoa.
Jason Isbell & The 400 Unit eta Old Crow Medicine Show Nashvilletik iritsiko dira, eta punkaren ordezkariak Evaristo, Discharge, Circle Jerks eta The Adicts historikoak eta Tropical Fuck Storm izango dira.
Nottinghametik, Sleaford Mods taldeak bere post-punk elektronikoa ekarriko du, eta Corrosion of Conformityk eta Voivodek heavya eramango dute agertokietara, batzuek, astun eta besteek, azkar.
Kartela ixteko, Split Dogs, The Del Fuegos, Starbenders, The Damn Truth eta, Gipuzkoatik, Nhil eta Rodeo iragarri dituzte.
Astearte honetan zabalduko dute "fanentzako itxaron-zerrenda" jaialdiaren bonuak eskuratzeko, eta aurresalmenta hau datorren ostiralera arte egongo da indarrean, urriaren 31ra arte. Gainera, aurreko edizioren batera joan direnek bihartik , hilaren 29tik, aurrera aurresalmenta esklusibo bat izango dute eskura, prezio berezian.
Halaber, "fanentzako" salmenta astelehenean, azaroaren 3an, hasiko da, 10:00etan, eta salmenta orokorra azaroaren 4tik aurrera egongo da erabilgarri, ordu berean, jaialdiaren webgunean.
23 urtetik beherakoek Gaztea Bonua (100 €+ gastuak) erosi ahal izango dute, eta Kuadrilla Bonua ere eskuragarri egongo da: sei bonu, bost bonuren prezioan.
Aurreko edizioetan bezala, 14 urtetik beherakoak doan sartu ahalko dira.
Zure interesekoa izan daiteke
Pablo Sarasaterenak izan ziren 55 objektu aurkitu dituzte
Pablo Sarasate musikari ospetsu eta hiriko seme kutunak hiriari emandako ondarea osatuko du Iruñeak, 1985ean lekualdaketa batean galdu ziren lau kutxatan gordeta zeuden 55 pieza berreskuratuta. Kaxa horietan, besteak beste, musikariak gordetzen zituen koadro eta eskulturak, argazkiak, arropak eta Felix Mendelssohn konpositore alemaniarraren eskuizkribu bat daude.
Agur, Gatibu!
Gernikar taldeak bere ibilbideko azken kontzertuak egingo ditu asteburuan, BEC!en, EITBko kamerak bertan daudela. Joan den asteburuan, BECen bertan eginiko lehen kontzertuan eta Durangoko Azokan publikoarekin buruz buru, abiatutako agurra burutuko du ostiral-larunbatetan.
Pello Reparazek, Maixux Zugarramurdik eta Erramun Martikorenak jarri diote ahotsa Korrikari
Xiberutikan mendebaldera kantak lagunduko dio euskararen aldeko lasterketaren 24. edizioari. Ane Elordik azaldu duenez, “AEKide guztion artean" erabaki dute "nori egin kantuaren enkargua”.
Tom Morello eta Chris Isaak, BBK Legends Bilbao jaialdian
Rage Aganst the Machine eta Audioslaveko gitarristak larunbatean joko du Bilbao Arenan, eta Wicked gameren sortzailea bezperan, ekainaren 26an, itzuliko da Bilboko jaialdira.
Robe Iniesta, Euskal Herrian itzala utzi duen “Extremadurako erregea”
Gaur zendu den musikari eta poeta, Extremoduroko burua, Bizkaian bizi izan zen hainbat urtez, eta lotura estua izan zuen zenbait euskal musikarirekin, hala nola Iñaki "Uoho" Antón, Jose Ignacio Cantera eta Miguel Colino Extremoduroko taldekideekin, Fito Cabralesekin eta Gatibu taldearekin.
Robe Iniesta, Extremoduroko liderra, hil da, 63 urterekin
Extremadurako musikaria 63 urte zituela hil da. Bere komunikazio agentziak albistearen berri komunikatu bidez eman du, heriotzaren zergatia zehaztu gabe.
K-poparen sukarraldia Euskal Herrian da: "Hau izozmendiaren tontorra baino ez da, eta oraindik asko dago etortzeko"
KPop Demon Hunters filmak eta bertako "Golden" kanta arrakastatsuak Korea lerroburuetara eraman dute beste behin. Musika, estetika, marketina... K-popa bizimodu bat da askorentzat. Euskal Herrian musika estilo horrek duen zabalkundeaz mintzatu gara Ibon Fernandez Gazteako esatariarekin, Laura Satire k-pop abeslariarekin eta Ruben Arbide k-pop dantza lehiaketetako aurkezlearekin.
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Ruper Ordorika: “Kantuen bitartez antolatzen dut neure anabasa”
Oñatiar musikari erraldoiak, herri honen bizitza emozionalaren kronikari nekaezinak, Lurra ikutu barik diskoa (Elkar, 2025) argitaratu du, sasoi zail batean “hautatu gabe, gainetik, etorri zaizkidan gai batzuk” musikatzeko ariketa zirraragarria. Lan hori ontzeko ahaleginaz, sortzeaz, musikariekiko harremanaz, ikaran ari den mundu batean kokatzeko moduaz eta musikaren industriaz hitz egin dugu Ordorikarekin, Durangoko Azokaren atarian.
Gatibuk adin guztietako zaleak bildu ditu oholtzatik jaitsi aurretik
Gernikako talde ospetsuak amaiera borobila emango dio 25 urteko ibilbideari, asteburu honetan eta hurrengoan, BECen, 45.000 pertsona bilduta. “Agur esan barik” kontzertua eskainiko du ETB1ek abenduaren 13an, zuzenean, 21:00etatik aurrera.