Pat Metheny, Diana Krall eta Marcus Miller, Donostiako Jazzaldian
Donostiako Jazzaldiaren ordainpeko programazioa aurkeztu dute gaur, astelehenarekin, uztailaren 22tik 26ra egingo dute jaialdiaren arduradunek.
Donostiako 61. Jazzaldian, Miles Davis eta John Coltrane omenduko dituzte, lau kontzertutan, haien jaiotzaren mendeurrenean, eta izen dirdiratsu batzuk aurreratu dituzte: Pat Metheny gitarrista, Side Eye III+ bere azken proiektuaren bertsio handitu eta hobetuarekin, Diana Krall, Joe Lovano, David Murray eta Azar Lawrence saxofonistak; Marcus Miller baxua; Charles Tolliver tronpetista; Bruce Barth pianista; eta Cécile McLorin Salvant eta Carmen Lundy abeslariak.
Horiez gain, Samara Joy abeslari gaztea ere Donostian izango da, baita Antonio Lizana saxofonista eta abeslaria eta Julius Rodriguez pianista ere.
Sarrera eta abonuak abenduaren 16an jarriko dituzte salgai. 11:30etik aurrera, Trinitate Plaza, Kutxabank Kursaal Auditorioa, FCC Victoria Eugenia Antzokia eta Škoda San Telmo Museoa (Klaustroa) agertokietako emanaldietarako txartelak erosi ahalko dira, leihatiletan zein webgunean.
61. Jazzaldiko doako kontzertuak datozen hilabeteetan iragarriko dira.
Kartelaren egilea José Luis Lanzagorta da. Donostiako Jazzaldirako egin duen 13. kartela du.
Trinitate Plaza
Uztailak 23: David Murray Quartet + Paramount Quartet (Joe Lovano, Julian Lage Santi Debriano eta Will Calhoun)
Uztailak 24: Azar Lawrence Quartet: John Coltrane. The Impulse Era! + Cécile McLorin Salvant
Uztailak 25: Charles Tolliver Africa/Brass Celebrating Coltrane's Centennial + Marcus Miller: We Want Miles! (Marcus Miller, Mike Stern, Bill Evans eta Mino Cinelu).
Uztailak 26: Vincent Peirani - Living Being IV (Time Reflections) + New Sketches of Spain: Erik Truffaz – Antonio Lizana (Miles Davisen omenez).
Kursaal Auditorioa
Uztailak 23: Samara Joy.
Uztailak 24: Nils Petter Molvær
Uztailak 25: Pat Metheny
Uztailak 26: Diana Krall
San Telmo Museoan Julius Rodriguezek, Bruce Barth pianistak eta Vicente Archer kontrabaxuak Benito Gonzalezek, Benjamin Moussayk eta Émile Parisienek eta Vincent Peiranik joko dute, eta Victoria Eugeniak JazzEñe zikloa eta Carmen Lundyren eta Louis Sclavis Quienteten kontzertuak hartuko ditu.
Zure interesekoa izan daiteke
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.