Mariah Careyren gabon kantak 20 aste egin ditu AEBko zerrendetako lehen postuan, beste edozeinek baino gehiago
All I want for Christmas is you 1994an argitaratutako kantuak 20 aste bete ditu Billboard Hot 100 zerrendako toki gorenean, eta guztira 77 astez egon da abestia zerrenda horretan. Hot 100 zerrendak streamingeko, irrati zabalkundeko eta salmentetako datuak pilatzen ditu.
Mariah Carey abeslariak marka guztiak hautsi ditu Gabonetako musikaren esparruan: All I want for Christmas is you haren gabon kanta ospetsuak 20 astez Billboard Hot 100 zerrendaren buruan egotea erdietsi du, eta sekula beste ezein kantuk lortu ez duena lortu du horrela.
Estatubatuar abeslariaren abesti ospetsua Merry Christmas diskoan argitaratu zen lehenengoz, 1994ko azaroan, baina, streamingaren gorakadak eta erreprodukzio-zerrendetan gabon kantuak sartzeko ohiturak bultzatuta, 2017ko abenduan iritsi zen zerrendako lehen hamar postuetara eta 2018ko gabonetan lehen bosten artera, Billboard aldizkariak azaldu duenez.
Azkenik, 2019ko gabonetan iritsi zen lehen postura (hiru astez), baita 2020koetan (bi), 2021ekoetan (hiru), 2022koetan (lau), 2023koetan (bi) eta 2024koetan (lau).
Azkenik, 2019ko gabonetan iritsi zen lehen postura (hiru astez), baita 2020koetan (bi), 2021ekoetan (hiru), 2022koetan (lau), 2023koetan (bi) eta 2024koetan (lau).
Hot 100 zerrendak AEBko genero guztietako musika streamingak (audio eta bideo ofizialak), irrati-emankizunak eta eduki fisikoko salmentak batzen ditu.
Kantua 1994an argitaratu zuten lehenengoz, eta Hot 100en buruan denbora gehien eman duen kantuen zerrendan hauek aurreratu ditu: A Bar Song (Tipsy), Shaboozeyrena, eta Old Town Road Lil Nas X eta Billy Ray Cyrusena.
Careyk bigarrenez lortu du Hot 100 zerrendako lehen postuan denbora gehien egin duen artistaren koroa, 1995 eta 1996an One Sweet Day Boyz II Menekin batera egin zuen kantua 16 astez egon baitzen kantu errenkadaren buruan, 2017an Luis Fonsik eta Daddy Yankeek Justin Bieberrekin grabatu zuen Despacitoren bertsioak tokia hartu zion arte.
All I want for Christmas Is Youk 77 aste egin ditu guztira Hot 100 zerrendan.
Zure interesekoa izan daiteke
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.