'Mission Impossible' eta 'The Artist': efektu bereziak vs zinema mutua
ong>'Mission: Impossible-Ghost Protocol' Tom Cruise aktore ezagunaren laugarren abentura, eta 'The Artist' zuri-beltzean filmatutako pelikula mutua dira aste honetako estreinaldi nagusiak zinema-aretoetan.
Akzioz gainezka egiten duen Cruisen saga ezaguna berriz ere pantaila handian da, laugarren atalarekin. Aurrez aurre, pelikula berezi bat izango du: 'The Artist'. Film frantziarra da, mutua, eta zuri-beltzean filmatua. Cannesen eta Donostiako zinemaldietan saritu zuten, eta iragarri berri dituzten Urrezko Globoetan faborito dugu, sei izendapenekin. 'Maktub' lan espainiarra ere estreinaldien artean dugu, Aitana Sánchez-Gijón, Goya Toledo eta Amparo Baró aktore ezagunekin.
Kremlinen aurkako erasoa egin izana leporatu diote Ethan Hunt (Tom Cruise) agenteari, eta bere izen ona berreskuratu beharko du Huntek 'Mission: Impossible-Ghost Protocol' azken lan honetan. Brad Bird ('Ratatouille', 'The Incredibles') zinemagileak zuzendu du lana oraingoan.
Urteko filmetako bat izateko bidean da 'The Artist' pelikula. Canneseko eta Donostiako Zinemaldiko sarien ondoren, sei izendapen lortu berri ditu Urrezko Globoetan: komedia edo musikal onena, gizonezko aktore onena (Jean Dujardin), emakumezko aktore onena (Bérénice Bejo), zuzendari eta gidoi onena (Michel Hazanavicius) eta soinu banda onena (Ludovic Bource). 30eko hamarkada bukaeran, azkenetan dagoen zinema mutuko aktore baten istorioa dakar. Bere ibilbidearen bukaera gero eta gertuago duela, Peppy Miller izarraren arrakasta gorantz egiten ikusiko du.
'Maktub' lanak, berriz, Manoloren istorioa dakarkigu. Lanean larri dago, bere emaztearekin ere gauzak ez doaz ondo, eta seme-alabekin ez du harreman onik. Bere bizitzak goitik beherako aldaketa jasango du Antonio gazte kanariarra ezagutzean. Minbizia duen arren, Antonioren bizi pozak Manoloren etorkizuna aldatuko du. Diego Peretti ('Tiempo de valientes') argentinarra da protagonista nagusia, eta Paco Arango zinemagileak zuzendu du lana. Aitana Sanchéz-Gijón, Goya Toledo, Andoni Hernandez San Jose, Amparo Baró eta Jorge Garcia aktoreak ere taldean dira.
Zure interesekoa izan daiteke
Culinary Zinemak lau mundu-estreinaldi izango ditu, eta Andaluziako, Mallorcako eta Japoniako sukaldeetara bidaiatuko du
Pelikulak ikusteko eta afarietarako txartelak ostiral honetan, abuztuaren 28an, jarriko dira salgai, goizeko 10:00etan, ohiko bideen bitartez.
Zinemaldiak "Subijana, más allá de un bigote" estreinatuko du, sukaldaritzako maisuaren bizitzara eta suetara hurbiltzeko lana
Jorge Fernandez Mayoralen eta Jesus Javier Ruiz Aquerretaren ez-fikziozko lan berria Donostiako Zinemaldian aurkeztuko dute, Culinary Zinema sailaren barruan. Subijana, más allá de un bigote izenburupean eta EITBren parte-hartzearekin, Pedro Subijana sukaldari gipuzkoarraren kontakizun intimo eta pertsonala eskaintzen du filmak; gure gastronomiaren eraldaketa eta modernizazio handian funtsezko irudia eta Euskal Sukaldaritza Berriaren bultzatzaile nagusietako bat izan denaren erretratua, hain zuzen ere. Gainera, dokumentala euskal zinemaren Irizar sarirako hautagaia ere izango da jaialdian.
Ricardo Darin, Zinemaldiaren 74. edizioko karteleko protagonista, Donostiara itzuliko da
Darin protagonista duen Lo dejamos acá filma zine-jaialdiaren programan sartzea aktoreari omenaldia egiteko modua da; 2017an Donostia Saria jaso zuen.
Brad Pittek Donostia bisitatuko du berriro ere Zinemaldiaren 74. edizioan
Aktore estatubatuarra Gipuzkoako hiriburuan izango da Heart of the Beast filmarekin; Sail Ofizialean proiektatuko da, lehiaketatik kanpo.
100 urte, Rodolfo Valentino Hollywoodeko lehen izar handia hil zela
100 urte bete dira gair Rodolfo Valentino hil zela, Hollywoodeko lehen izar handitzat hartzen dena. Arrakasta handia lortu zuen italiarrak eta oso gazte, 31 urterekin hil zen. Bere heriotzak inoiz ikusi gabeko fenomenoa eragin zuen: 100.000 pertsona baino gehiago bildu ziren hiletan, eta miresleen artean suizidioak ere izan zirela zabaldu zen.
21 film ariko dira 74. Zinemaldiko Zabaltegi-Tabakalera Saria irabazteko lehian
Maria Alche eta Benjamin Naishtaten 'Pedro en el país' filmak emango dio hasiera sekzioari, eta Isaki Lacuestaren 'Jaleos' filmak itxiko du. 13 film luze, 7 labur eta film ertain bat borrokatuko dira saria eskuratzeko, eta ikus-entzunezko performance bat izango da lehiaketatik kanpo, Albertina Carri zinemagile eta idazlearen eskutik.
Michaël R. Roskamen 'Le Faux Soir' filmarekin emango diote amaiera Zinemaldiari
II. Mundu Gerran Belgikako Erresistentziaren operazio batean gertatutakoa azaltzen duen filma lehiaketatik kanpo proiektatuko da irailaren 26an, Kursaalen, palmaresa iragarri ondoren.
Fatih Akinen "Ghost Song" filmak inauguratuko du Zinemaldiko Sail Ofiziala
Zuzendari alemaniarraren film berriaren mundu mailako estreinaldiak irekiko du irailaren 18an Donostiako Zinemaldiaren 74. edizioko Sail Ofiziala. Inaugurazio ekitaldiaren ondoren, Kursaal Auditorioan proiektatuko da filma, eta Akinek Urrezko Maskorra lortzeko lehian parte hartuko duen lehen aldia izango da.
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.