Ricardo Darin, Zinemaldiaren 74. edizioko karteleko protagonista, Donostiara itzuliko da
Darin protagonista duen Lo dejamos acá filma zine-jaialdiaren programan sartzea aktoreari omenaldia egiteko modua da; 2017an Donostia Saria jaso zuen.
Lo dejamos acá filmaren eszena. Argazkia: Zinemaldia.
Donostiako Zinemaldiak Lo dejamos acá (Therapy Done Right) proiektatuko du, Hernan Goldfrid zuzendari argentinarraren film berria, Ricardo Darin, Zinemaldiaren 74. edizioko kartelaren irudia, eta Diego Peretti protagonista dituena.
Filma mundu mailan estreinatuko da Zinemaldiaren 'Beste jarduerak batzuk' sailean, urriaren 16an Netflixen estreinatu aurretik. Programan sartzeak omenaldia egiten dio 2017an Donostia Saria jaso zuen aktore argentinarrari; hala, Darin Donostiara itzuliko da 2026an.
Ricardo Darin (Buenos Aires, 1957) Hego Amerikako eta mundu mailako zinemaren azken hamarkadetako izen entzutetsuenetako bat da, eta 20 urte daramatza Zinemaldian ohiko aurpegia izaten.
Mende erdiko ibilbidean eta ehun bat interpretaziotan, 40 sari baino gehiago jaso ditu, eta egile-zinemako zein publiko zabalari zuzendutako lanak uztartu ditu. Besteak beste, Adolfo Aristarain, Juan Jose Campanella, Fabian Bielinsky, Fernando Trueba, Pablo Trapero, Cesc Gay eta Santiago Mitre zuzendarien aginduetara aritu da.
Bestalde, Hernan Goldfrid zuzendariak 2009an egin zuen luzemetraian debuta, Diego Peretti eta Natalia Oreiro protagonista zituen Música en espera komedia erromantikoarekin. Ondoren, Tesis (2013) thrillerra zuzendu zuen, Ricardo Darin ere protagonista zuena eta Argentinan milioi bat ikusle baino gehiago izan zituena. Gainera, 2016 eta 2025 artean hainbat telesail zuzendu ditu.
Lo dejamos acá / Therapy Done Right
Zuzendaria: Hernan Goldfrid.
Herrialdea: Argentina.
Aktoreak: Ricardo Darin, Diego Peretti, Antonia Bengoechea, Ines Efron, Andrea Politti, Pata Echegoyen, Carlos Santamaria eta Miriam Odorico.
Psikoanalista pragmatiko bat (Ricardo Darin), psikologiaren ohiko metodoetan fedea galdu ondoren, mugak gainditzen hasiko da bere pazienteekin. Bere jardunbide berriak funtzionatzen duela dirudi baina, halako batean, sormen-blokeoa duen idazle bat (Diego Peretti) iritsiko zaio kontsultara.
Zure interesekoa izan daiteke
Brad Pittek Donostia bisitatuko du berriro ere Zinemaldiaren 74. edizioan
Aktore estatubatuarra Gipuzkoako hiriburuan izango da Heart of the Beast filmarekin; Sail Ofizialean proiektatuko da, lehiaketatik kanpo.
100 urte, Rodolfo Valentino Hollywoodeko lehen izar handia hil zela
100 urte bete dira gair Rodolfo Valentino hil zela, Hollywoodeko lehen izar handitzat hartzen dena. Arrakasta handia lortu zuen italiarrak eta oso gazte, 31 urterekin hil zen. Bere heriotzak inoiz ikusi gabeko fenomenoa eragin zuen: 100.000 pertsona baino gehiago bildu ziren hiletan, eta miresleen artean suizidioak ere izan zirela zabaldu zen.
21 film ariko dira 74. Zinemaldiko Zabaltegi-Tabakalera Saria irabazteko lehian
Maria Alche eta Benjamin Naishtaten 'Pedro en el país' filmak emango dio hasiera sekzioari, eta Isaki Lacuestaren 'Jaleos' filmak itxiko du. 13 film luze, 7 labur eta film ertain bat borrokatuko dira saria eskuratzeko, eta ikus-entzunezko performance bat izango da lehiaketatik kanpo, Albertina Carri zinemagile eta idazlearen eskutik.
Michaël R. Roskamen 'Le Faux Soir' filmarekin emango diote amaiera Zinemaldiari
II. Mundu Gerran Belgikako Erresistentziaren operazio batean gertatutakoa azaltzen duen filma lehiaketatik kanpo proiektatuko da irailaren 26an, Kursaalen, palmaresa iragarri ondoren.
Fatih Akinen "Ghost Song" filmak inauguratuko du Zinemaldiko Sail Ofiziala
Zuzendari alemaniarraren film berriaren mundu mailako estreinaldiak irekiko du irailaren 18an Donostiako Zinemaldiaren 74. edizioko Sail Ofiziala. Inaugurazio ekitaldiaren ondoren, Kursaal Auditorioan proiektatuko da filma, eta Akinek Urrezko Maskorra lortzeko lehian parte hartuko duen lehen aldia izango da.
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.