Michael Fassbender eta Daniel Radcliffe, elkarrekin zinema-aretoetan
Michael Fassbenderrek iragan Donostiako Zinemaldian aurkeztu zuen "Shame" pelikula eta zinema-aretoeta heldu da aste honetan. Gainera, Daniel Radcliffe Harry Potterren aztiaren papera egin zuenak "La mujer de negro" aurkezten du eta Liam Neeson "Infierno blanco" filman agertzen da, Alaskako mendietan grabatutako drama. Hauek dira asteko estreinaldiak.
Michael Fassbenderrek (Veneziako zinemaldiko aktore onenaren saria eskuratu zuen paper honengatik) luxuzko aktore-zerrendaren buru agertzen da "Shame" lanean, Carey Mulliganekin batera, 2010ko Oscar sarietarako hautagaia. Steve McQueenen ("Hunger" eta "Exodus") azken lana da. Gainera, filmaren gidoigilea da Abi Morganekin batera.
Mundu mailan ezagun egin zen Daniel Radcliffe Harry Potterren aztiaren paperean, baina paper horregatik aldendu nahi da Daniel Radcliffe "La mujer de negro" estreinaldiarekin. Beldurrezko film bat da, Ciarán Hindsek ("Camino a la perdición") eta Janet McTeerek ("Songcatcher") parte hartuko dute.
Liam Neeson "La lista de Schindler" filmeko protagonista, pantaila handira bueltatu da "Infierno Blanco" lanarekin. Dramaz beteriko akziozko pelikula da, Ian McKenzieren "Ghost Walker" ipuin laburrean oinarritua. Joe Carnahank ("El equipo A") zuzentzen du eta Dermont Mulroney eta Frank Grillo aktoreek parte hartzen dute.
Samuelek (Gilles Lellouche) hiru urte ematen ditu "Cuenta atras" lanean, polizia-zainketan dagoen gaixo bati ospitaletik irtetzen laguntzeko. Bere emaztea haurdun dago eta bahituta dute: bere bizitza arriskuan dago lortzen ez badu.
Heldua, baina heldutasunik gabekoa, horrelakoa da Mavis Gary (Charlize Theron) "Young Adult" pelikulako protagonista. Gazteentzako literatura idazlea da eta bere jatorrizko herrira bueltatzen da, iraganeko garaiak gogoratzeko eta institutuko amodio bat berreskuratzeko.
"Viaje al centro de la tierra 2: la isla misteriosa", 2008an estreinatutako lanaren bigarren atala da. Sean Andersonen eta bere ugazaitaren abenturak dira: irrati-seinale misteriotsu bat jarraitzen dute eta irla eder batean azaltzen dira, izaki mehatxatzaileekin.
"Hello! How are you?", Italiak, Espainiak eta Errumaniak (duela urtebete estreinatu zuten han) elkarrekin egindako lan bat da eta Dana Voicu, Ionel Mihailescu eta Paul Diaconescu ditu protagonistak, Alexandru Mafteiren zuzendaritzapean.
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.