'The Avengers' eta 'The Pelayos', zinema-aretoetan lehian
Los Vengadores (superheroiak), The Pelayos (kasino lapurrak), The Wish Fish (animaziozko filma), The Awakening (Rebeca Hall); eta Rober Guediguianen Les neiges du Kilimandjaro dira zinema-aretoetako proposamen berriak.
Marvel faktoria pantaila handira itzuli da The Avengers filmarekin. Joss Whedonek zuzendutako filmean, besteak beste, Robert Downey Jr., Chris Hemsworth, Scarlett Johansson, Chris Evans eta Samuel L. Jackson aktoreek parte hartu dute. Zientzia fikzioa eta akzioa nahasten dituen lana da.
Gonzalo García Pelayoren bizitzan oinarritutako filma da The Pelayos. Mundu osoko kasino ugari diru barik utzi dituzten gazte batzuen gorabeherak jasotzen dituen pelikula honetan Lluis Homar aktoreak egin du lan. Horrekin batera, Daniel Brühl, Miguel Ángel Silvestre, Oriol Vila Blanca Suárez eta Eduard Fernandez aritu dira.
Gorka Vazquezek eta Ivan Onekak zuzendutako The Wish Fish animaziozko lana da, Baleuko eta Image Vengure ekoiztetxeek bultzatu dute eta EITBren partaidetza izan du.
Suspensea Rebecca Hallen eskutik dator, The Awakening filmean. 1921ean, barnetegi batean, Mallory irakasleak, erizain batek eta haur batek Gabon tristeak igaroko dituzte naturaz gaindiko gertaera batzuek eraginda.
Zinema soziala Robert Guediguianek zuzendutako Les neiges du Kilimandjaro lanak ekarriko du. Zinemagile frantziarrak Michel eta Marie-Claire bikotearen istorioa kontatzen du: bi gizon armatuk eraso egindakoan, bere bizitzak erabat aldatu beharko dituzte.
Azkenik, Sean Durkinek Sundanceko Zinemaldian zuzendari onenaren saria irabazi zuen Martha Marcy May Marlene filmarekin. Zinema-aretoei AEBetako zinema independentearen ukitua emango die.
Zure interesekoa izan daiteke
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.