Alfredo Landa hil da, 80 urte zituela
Alfredo Landa 'landismoaren' ikur eta adierazle nagusia hil da ostegun honetan, Madrilen. El bosque animado (1987) eta Los santos inocentes (1984) filmetako protagonista 80 urte zituela hil da, Zinema Akademiak jakitera eman duenez.
Landaren gorpua ostiral honetan erraustuko dute Colmenar Viejoko (Madril) beilatokian. Senitartekoek ez dute xehetasun gehiago eman nahi izan.
Halaber, Landaren adiskideek familiaren nahia errespetatu dute, eta ez dute zehaztu aktorea nola eta non hil den.
Alfredo Landa Iruñean jaio zen, 1933ko martxoaren 3an. 25 urte zituela, Zuzenbide ikasketak uztea erabaki zuen, nahiz eta familia horren aurka agertu. "Poltsikoan 7.000 pezeta eta gutun bat zeuzkala", Madrilera joan zen, aktore bihurtzeko.
Madrileko antzokietan, paper txikiak lortu zituen hasiera batean. Maria Guerrero antzokian Jose Maria Forque zuzendariaren arreta bereganatu zuen.
Horrela, Atraco a las tres (Jose Maria Forque, 1962) filmean debuta egin zuen Jose Luis Lopez Vazquez eta Gracita Morales aktore ezagunekin batera. Lan horrek zinemaren ateak ireki zizkion.
'Landismo'a
Aktorearen inguruan, komediaren azpigenero bat sortu zen, nahiz eta kritika gogorrak jaso. Frankismoaren amaieran eta Espainian turismoaren garaia hastearekin batera 'landismo'a jaio zen.
Pedro Lazaga eta Fernando Merino zuzendarien agintaritzapean 'landismo'ak garaiko gizartea ederki islatu zuen, frustrazio nazionalaren pertsonaiarenak eginez.
Nahiz eta komunikabideen kritika gogorrak jaso, aktoreak ez zion 'landismoari' uko egin eta azpigeneroari abizena ematearekin harro azaldu zen.
Cateto a babor, No desearás al vecino del quinto (Ramon Fernandez, 1970) edo Vente a Alemania, Pepe (Pedro Lazaga, 1971) garai horretako filmeak dira. Pelikula horietan, Florinda Chicorekin eta Jose Sacristanekin lan egin zuen.
Bira dramatikoa
15 urte komedian lan egin eta gero, Alfredo Landak paper dramatikoetan lan egiteko gaitasuna agerian utzi zuen El Puente filmean (Juan Antonio Bardem, 1976). Pelikula bere ibilbidean inflexio-puntua izan zen, nahiz eta komedia guztiz ez utzi.
Handik aurrera, kritikariek aktorea babestu zuen, eta film dramatikoetan lan egiteko eskaintza gehiago jaso zituen. Bide horretan, besteak beste, Los santos inocentes (Mario Camus, 1984) azpimarratu behar da: Paco Rabalekin batera, aktore onenaren saria jaso zuen Canneseko zinema jaialdian, film horri esker.
2004ko hasieran kolon minbizia diagnostikatu zioten medikuek, eta astebete geroago ebakuntza egin zioten Madrilgo Ramon y Cajal ospitalean.
Aktoreak ohorezko Goya saria jaso zuen 2007an. Luz de Domingo pelikula Jose Luis Garci zuzendariarekin grabatu eta gero erretiroa hartu zuen Landak. Garcirekin zazpi filmetan parte hartu zuen bi hamarkadatan.
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.