Ingelesezko zinema nagusi, Veneziako Mostran
AEBetako eta Erresuma Batuko zuzendarien pelikula berriak izango dira nagusi, aurtego Veneziako Mostrako sari nagusia jasotzeko hautagaien artean. Horien artean izango dira, besteak beste, Terry Gilliam, Stephen Frears, Jonathan Glazer eta James Franco.
Veneziako Mostraren 70. edizioa abuztuaren 28a eta irailaren 7a bitartean izango da eta Urrezko Lehoia eskuratzeko hautagaien artean ingelesezko pelikulak dira nagusi.
"Parkland gehitu ostean, bost pelikula estatubatuar lehiatuko dira eta hori zinema estatubatuarraren osasunaren eta aberastasunaren isla da", esan du Alberto Barbera Mostrako zuzendariak. "Lehiaketan parte hartuko duten hiru film britainiarrak dira berrikuntza nagusia. Zinema britainiarrak ez ditu beti hainbeste intereseko lanak egiten", gaineratu du.
Peter Landesman zuzendariaren Parkland pelikulak John F. Kennedy presidentearen hilketari buruzkoa da eta kartela iragarpenaren bezperan ezagutu zuten antolatzaileek lehiaketan parte hartuko zuela.
Horrez gain, Francok egin duen Cormac McCarthy idazlearen Child of God obraren moldaketa eta Nicolas Cage protagonista duen David Gordonen Green Joe ere Mostran izango dira.
Alfonso Cuaron zuzendariaren Gravity filmak nazioarteko estreinaldia egingo du, Venezian. Sandra Bullock eta George Clooney aktoreak protagonista dituen pelikulak mediku batek espazioan egingo duen lehen misioa kontatzen du.
Britainiar lanak ere izango dira Venezian: Philomena lanean (Stephen Frears), Judi Dench aktoreak abandonatu zuen seme baten bila dagoen ama batena egin du; The Zero Theorem-en (Terry Gilliam), Christoph Waltz matematiketan aditua den gizon bat da, eta Under the Skin pelikulan (Jonhatan Glazer) Scarlett Johanssonek estralurtarrarena egin du.
Aurtengoa epaimahaiaren presidentea Bernardo Bertolucci izango da.
Zure interesekoa izan daiteke
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.
Ibone Bengoetxea harro agertu da Goya sarietan euskal zinemari egindako aintzatespenagatik
Eusko Jaurlaritzako lehen lehendakariorde eta Kultura sailburuak sektorearen talentua eskertu du, eta hori bultzatzen duen ekosistema nabarmendu du, erakundeen babesaz harago.
Euskal zinemak urte handia ospatuko nahi du gaur Bartzelonan
Euskal zinemako ekoizpen eta profesionalek Goya sariak irabazteko aukera izango dute gaur gauean, Espainiako Zinema Akademiaren galan. Guztira, 47 izendapen jaso dituzte, 28 kategorietko 23tan.
Euskal zinemak urte oparoa biribildu nahi du Goyetan
Espainiako Zinema Akademiak bere sariak emango ditu larunbat iluntzean, Bartzelonan. Euskal ekoizpen eta profesionalek 47 izendapen jaso dituzte, eta “Los domingos” eta “Maspalomas” filmek, esate baterako, Donostiako Zinemaldian abiatu zuten bide arrakastatsua osatu nahi dute.
Teddy hartza eta Sebastiane patroia, festan eta borrokan Berlinen
Iván & Hadoumek irabazi zuen Berlinen Teddy sari 40.a. Merezi duelako. Zergatik? Polita bezain mikatza delako. Eta pantailaratzen dituen galdera guztietarako erantzunik ez duelako.