'Animatopía': Animazio garaikidearen 'bide berrien' onena
Donostia Zinemaldiaren 61. edizioak atzera begirako berezi bat eskainiko dio azken bi hamarkadetan ekoitzitako animaziozko zinemari. Animatopia izenburuarekin, atzera begirako ziklo honek hainbat film eskainiko dizkigu; generoari oker ezarri zaizkion mugetatik, familiako entretenimendu zintetatik edo fantasiazko abenturetatik harago doan ibilbidea, hain zuzen. Programan bildutako izenburuek argi utziko digute zer nolako askatasuna eta gaitasuna duen animazio alternatiboak askotariko gai mamitsuak hainbat ikuspuntutatik lantzeko.
Animatopia atzera begirakoa aurkezteko, zeremonia-maisu bikain bat izango da Donostian: Bill Plympton. Zinemagile estatubatuar hau 1946an jaioa da, eta erreferentzia bilakatu da animaziozko zinemagintza urratzaile eta ikonoklastan. Guztira ia 50 film labur egin ditu (horietako bi Oscar sarietarako hautagai izan dira). Bestalde, Plymptonek hainbat film luze ere zuzendu ditu, genero honetako klasiko moderno bilakatu direnak.
Atzera begirakoarekin batera, argitalpen bat ere izango da. Roberto Cueto da koordinatzailea, eta hainbat adituk parte hartu dute: Jordi Costa, Fernando de Felipe, Sonia García López, Rubén Lardín, Jesús Palacios, Jayne Pilling, Jordi Sánchez-Navarro eta Paul Wells.
Hauek dira ziklo honetan ikusgai izango diren pelikulak:
My Life as McDull: Toe Yuen (Hong Kong)
Waking Life: Richard Linklater (AEB)
Hair High: Bill Plympton (AEB)
Maindo gêmu / Mind Game: Masaaki Yuasa (JAPONIA)
Nyócker / The District. Áron Gauder, Erik Novak (HUNGARIA)
The Piano Tuner of Earthquakes: Stephen Quay, Timothy Quay (ALEMANIA-ERRESUMA BATUA-FRANTZIA)
De profundis: Miguelanxo Prado (ESPAINIA-PORTUGAL)
Papurika / Paprika: Satoshi Kon (Japonia)
Princess: Anders Morgenthaler (DANIMARKA-ALEMANIA)
Tachiguishi retsuden / Tachigui: The Amazing Lives of the Fast Food Grifters: Mamoru Oshii (Japonia)
Peur(s) du noir: Blutch, Charles Burns, Marie Caillou, Pierre di Sciullo, Lorenzo Mattotti, Richard McGuire (FRANTZIA)
$9.99: Tatia Rosenthal (ISRAEL-AUSTRALIA)
Vals im Bashir / Waltz with Bashir (Vals con Bashir): Ari Folman (ISRAEL-FRANTZIA-ALEMANIA-AEB-FINLANDIA-SUITZA-BELGIKA-AUSTRALIA)
Fantastic Mr. Fox (Fantástico Sr. Fox): Wes Anderson (AEB)
Mary and Max: Adam Elliot (AUSTRALIA)
Metropia: Tarik Saleh (SUEDIA-DANIMARKA-NORBEGIA)
Chico & Rita: Fernando Trueba, Javier Mariscal, Tono Errando (ESPAINIA-ERRESUMA BATUA)
Alois Nebel: Tomás Lunák (TXEKIAKO ERREPUBLIKA-ALEMANIA)
Arrugas: Ignacio Ferreras (ESPAINIA)
Crulic - Drumul spre dincolo / Crulic - The Path to Beyond: Anca Damian (ERRUMANIA-POLONIA)
Dwae-ji-ui wang / The King of Pigs: Sang-ho Yeun (HEGO KOREA)
Gordo, calvo y bajito: Carlos Osuna (KOLONBIA)
Le tableau: Jean-François Laguionie (FRANTZIA-BELGIKA)
Tatsumi: Eric Khoo (SINGAPUR)
A Liar's Autobiography: The Untrue Story of Monty Python's Graham Chapman: Bill Jones, Jeff Simpson, Ben Timlett (ERRESUMA BATUA)
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.