Juanba Berasategik Zinemira saria jaso du
Juanba Berasategi marrazkigile eta ekoizle gipuzkoarrak jaso du Donostia Zinemaldiak eta EPE eta IBAIA ekoizleen elkarteek euskal zinemagintzako pertsona ospetsu baten ibilbidea saritzeko ematen duten Zinemira Saria. "Eskerrik asko, lagunak. Aurten niri tokatu zait", esan du zinemagileak agertokira txalo artean igo ostean.
"Gure lana egiteko lantalde handia sortu behar da. Ni hemen nago, baina nik bakarrik ezin dut ezer egin. Beraz, zuena ere bada sari hau", adierazi du zinemagileak. Urduri zegoela ere aitortu du Berasategik, eta saria familiari eta, bereziki, emazteari eskaini dio, "bidea jasateagatik".
Lotura Films ekoiztetxearen sortzaile eta arduraduna da Berasategi eta Ekialdeko izarra (1977) film laburra izan zen bere lehenengo lana. Ondoren, Fernando Amezketarra (1979), Ikuska 6 eta Kukubiltxo (1983) egin zituen. 1985ean, animazioko lehen euskal film luzea zuzendu zuen, Kalabaza tripontzia, eta ohorezko aipamena jaso zuen Donostiako 23. Zinemaldian.
Berasategik ibilbide luzea du eta hauek dira egin dituen lanetako batzuk: Ipar Haizearen erronka (1991), Sorkunde (1992), Sport Man (1992), Fernando Amezketarra (1995), Ahmed Alhambrako printzea (1997), Lazkao Txiki (1999), Txirrita (2000), Alhambrako giltza (2002), Pailazokeriak (2005), Barriola San Adriango Azeria (2008) eta Simplemente (2009).
Bukatu berri duen bere azken lana telebistarako film luze bat da: Tormesko Itsumutila.
Estreinaldia
Zinemaldiaren edizio honetan Zinemira saila osatzen duten zortzi pelikuletatik zazpi dokumentalak dira. Fikziozko lan bakarra da, hain zuzen ere, Zinemira galan eskaini dutena. Mireia Gabilondok Karmele Jaio idazlearen Amaren eskuak obran oinarritutako izen bereko pelikula estreinatu du.
Euskal Zinemaren Irizar Saria
Donostia Zinemaldiaren 61. edizioak zortzi film luze aurkeztuko ditu aurten Euskal Herrian ekoitziriko zinemari buruzko Zinemira sailean. Bost estreinaldik eta aurten ekoitziriko hiru lanek osatuko dute sail horretako eskaintza.
Estreinatuko diren lanetako lau Euskal Zinemaren Irizar Saria eskuratzeko lehiatuko dira, baita Zinemaldiaren beste edozein sailetan aurkezten diren eta gutxienez % 20 euskal ekoizpena duten gainerako lanak ere, betiere mundu mailako estreinaldiak badira. Irizar saria nori eman epaimahai espezifiko batek erabakiko du, eta saridunak 20.000 euro gordin irabaziko ditu, filmaren ekoizleentzat. Irabazlea datorren larunbatean iragarriko dute.
Zure interesekoa izan daiteke
Michaël R. Roskamen 'Le Faux Soir' filmarekin emango diote amaiera Zinemaldiari
II. Mundu Gerran Belgikako Erresistentziaren operazio batean gertatutakoa azaltzen duen filma lehiaketatik kanpo proiektatuko da irailaren 26an, Kursaalen, palmaresa iragarri ondoren.
Fatih Akinen "Ghost Song" filmak inauguratuko du Zinemaldiko Sail Ofiziala
Zuzendari alemaniarraren film berriaren mundu mailako estreinaldiak irekiko du irailaren 18an Donostiako Zinemaldiaren 74. edizioko Sail Ofiziala. Inaugurazio ekitaldiaren ondoren, Kursaal Auditorioan proiektatuko da filma, eta Akinek Urrezko Maskorra lortzeko lehian parte hartuko duen lehen aldia izango da.
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.