Thor eta Scarlett Johanssonen erotismoa, protagonistak estreinaldietan
David Truebaren azken lana, "Vivir es fácil con los ojos cerrados", "Thor: el mundo oscuro" eta "Don Jon" (Scarlett Johansson aktorearekin) pelikulekin lehiatuko da zinema-estreinaldietan. Egun bat lehenago heldu dira estreinaldiak, ostirala jaieguna dela eta.
Alan Taylor "Game of Thrones" telesaileko zuzendariak "Thor: el mundo oscuro" lana zuzendu du, Chris Hemsworth, Natalie Portman, Anthony Hopkins eta Tom Hiddleston protagonista dituen sagaren bigarren zatia.
Joseph Gordon-Levittek zuzendu du "Don Jon", eta protagonista ere bada. Estatu Batuetako komedia honetan, Scarlett Johansson eta Julianne Moore ageri dira aktore-zerrendan. Gordon-Levittek Jon Martelloren papera hartu du, asko ligatzen duen arren ordenagailuan pornografia ikustea maite duen gaztearena. Ez du bizitza hori maite, eta bi emakume oso ezberdin ezagutu ditu, Barbara (Scarlett Johansson) eta Esther (Julianne Moore), eta bizitzan zein amodio-kontuetan ikasbideak jasoko ditu.
"Vivir es fácil con los ojos cerrados" pelikula espainiarra 60ko hamarkadan girotuta dago. David Truebak zuzenduta, Javier Camara, Natalia de Molina eta Francesc Colomer aktoreak aritu dira bertan. Antonio izeneko irakasle batek The Beatles taldearen kantuak erabiltzen ditu ingelesa irakasteko, eta John Lennon Almeriara joan dela jakin ondoren, bertara bidaiatzea erabakiko du.
Jim Grantek (Robert Reford) bizitza lasaia du bere alabarekin batera "Pacto de silencio" lanean, ekintzaile erradikala izan ostean. Kazetari gazte batek (Shia LaBeouf) FBIri non dagoen esan ondoren, baina, akabo horren lasaitasuna, hiru hamarkada baitaramatza haren atzetik banku baten lapurretarekin zerikusia izan zuelakoan. Film honek Robert Reford du protagonista eta zuzendari.
"12 años de esclavitud" benetako istorio batean oinarrituta dago, Solomon Northup musikari afroamerikarraren bizitzan, hain zuzen ere. Taberna batean bi ezezagunekin topo egin ostean, drogatu, bahitu eta Louisianako plantazio bateko jabeari salduko diote, esklabo bihurtzeko. Une horretan, askatasuna berreskuratzeko borroka hasiko du, eta hainbat arrisku gainditu beharko ditu.
"El postre de la alegría (Paulette)" pelikula erretretadun marmarti eta arrazista baten istorioa da: zorrak itota, narkotrafikoan hasiko da. Gainerako droga-saltzaileak aurrez aurre aurkitu ostean, negozioa beste bide batetik eramatea pentsatu eta "alaitasunaren postreak" egitea erabakiko du.
"Solo Dios perdona" pelikula Bangkoken grabatu dute. Julianen istorioa da, Estatu Batuetako justiziatik ihesi dagoen droga-saltzaile batena. Horren anaia hil egin dute, prostituta gazte bat hiltzeagatik, eta amak semearen hiltzaileak akabatzeko eskatuko dio.
60 bat urteko emakume bat da "El viaje de Bettie" pelikulako protagonista. Bere maitaleak abandonatu egin duela konturatuko da, eta familiaren jatetxea kolokan dago. Bidaia bati ekingo dio orduan, eta Frantziako miss ohien lehiaketa batekin, bere alabarekin eta bere ilobarekin egingo du topo, eta, agian, baita amodio berri batekin ere.
"Hojas de hierba" oso bestelako bizitzak dituzten bi bikiren istorioa da. Bill filosofia irakaslea da eta Brady droga-saltzailea. Narkotrafikatzaile arriskutsu batzuek hilda ikusi nahi dute bigarrena.
Zure interesekoa izan daiteke
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.
David Ilundain eta Helena Bengoetxea zuzendarien film berriak, zinemetan
“B, la película” eta “Uno para todos” filmen zuzendariak “Mallorca confidencial” estreinatuko du, eta Bengoetxeak, “Petrus” dokumentala.