'Hercules', 'Old Boy' eta 'Nymphomaniac'-en bigarren zatia, karteleran
Lars Von Trierrek 'Nymphomaniac' film polemikoaren bigarren zatia zinema aretoetara iritsiko da 'The Legend of Hercules (Hercules 3D)' film mitologikoak markatuko duen astean. Horiekin batera 'Old Boy' filmaren remake-a eta Marta Eturaren itzulera, 'Presentimientos' filmean, nabarmenduko dira karteleran.
'Nymphomaniac'
Lars Von Trierrek bost ordu eta erdiko lana sortu zuen bere azken filmean. Horregatik, zinema banatzaileek bi zatitan banatu zuten eta bigarren zatia erakutsiko dute orain. Bertan, nerabealdian nifomania diagnostikatu zioten 50 urteko Joe-ren istoriaren amaiera ezagutuko dugu.
'The Legend of Hercules (Hercules 3D)'
Istorio errealista bati esker Hercules pertsonaia mitologikoa gizatiar egin du Renny Harbin zinema zuzendariak. Kellan Lutz, Liam McIntyre eta Gaia Weiss dira lan honetako protagonista nagusiak.
'Old Boy'
Spike Leek 2003an Park Chan Wookek zuzendutako filmaren remake-a egin du. Manga japoniar ezagunean oinarrituta dagoen filmeko protagonistak Josh Brolin, Elizabeth Olsen eta Samuel L Jackson dira.
'Presentimientos'
Eduardo Noriegak eta Marta Eturak bere harremana berpiztu nahi duen bikote bat antzezten dute Santiago Taberneroren lan berrian. Clara Sanchezen liburuan oinarritutako historia 'thriller' erromantikoan bilakatuko da hainbat gertakariren ondorioz.
'What Maisie Knew' (Scott McGehee eta David Siegel), 'Mindscape' (Jorge Dorado), 'Casi inocentes' (Papick Lozano) eta 'Otel.lo' (Hammudi Al-Rahmoun) filmek osatzen dituzte aste honetako estreinaldiak.
Zure interesekoa izan daiteke
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ostegunean ez da irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.