'Pompeya', 'La vida inesperada' eta Miyazakiren azkena, zinemetan
Paul W. S. Anderson "Resident Evil" sagako hiru filmen zuzendaria dago "Pompeya"ren atzetik, kameraren bestaldean laguntzen Kit Harington (Jon Snow, "Games of Thrones" telesailean), Emili Browning eta Kiefer Sutherland eduki dituena. Vesuvio sumendia erupzioa izatear delarik, Milo gladiadoreak Cassia maitea, senatari erromatar bati (Sutherland) ezkon-hitza eman zion emakumea (Browning), salbatzeko ahalegina egingo du.
"La vida inesperada" filmean, AEB "aukeren lur" gisa erakusten duen leloaz hausnarketa egiten da. Juanito (Javier Camara) New Yorken bizibidea hala-hola ateratzen duen aktore espainiarra da, eta lehengusua, bankuen sektorean lan egiten duen gizon arrakastatsua (Raul Arevalo), bisitan joango zaio. "La vida inesperada" Jorge Torregrossa zuzendariaren bigarren filma da, eta gidoia Elvira Lindok idatzi du.
Yankee Pedlar Hotel ixtear daude, baina bertako bi langilek espirituak daudela egiaztatzeko erronka jarri diote beren buruari; "Los huespedes" Ti Westen filmaren argumentua da hori. Zuzendari estatubatuarra Fant fantasiazko zinemaren Bilboko jaialdian egongo da aurten.
Diego "Azul y no tan rosa" filmeko protagonistaren bizimodua erabat arrunta da: argazkilaria da, lagunekin ibiltzen da, familia bazkariak izaten ditu, Fabrizio mutil-lagunarekin harreman formala du... baina seme heterosexuala agertzea eta dena aldatzea, biak bat izango dira. Hori da "Azul y no tan rosa" filmaren argumentua. Goya sarietan film iberoamerikar onenaren saria eman zioten homosexualen aurreko aurreiritziak hausten ahalegintzen den lana.
Paul Walker "Fast and Furious" filmetako protagonista, 2013an auto istripuan hil zen aktorea, da "Brick Mansions" filmeko pertsonaia nagusia. Damiel Collier (Walker) Detroiten ustelkeriaren aurkako borrokan murgilduta dagoen agente sekretua da.
Hayao Miyazaki da "El viento se levanta" filmaren zuzendari eta gidoigilea. National Board Reviewren animaziozko pelikula onenaren saria eta New Yorkeko Kritikarien Elkartearen saria irabazi zituen filmak, askoren esanetan Miyazakiren azken lana izango denak. Jiro Horikoshi gazteak hegan egitea du amets, eta, Caproni ingeniari aeronautikoaren eraginpean, Bigarren Mundu Gerrako ehiza-hegazkin batzuk diseinatzera igaroko da.
Zure interesekoa izan daiteke
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.