Denzel Washington, AEBko zinema arrakastatsuaren aurpegia
Donostiako Zinemaldiak Denzel Washington gaur egungo zinemaren aktore ezagunetako bati Donostia Saria emango dio hasi eta berehala, inaugurazio ekitaldian bertan.
Denzel Washington, bi Oscar sariren irabazlea (bat, aktore nagusi onenarena, 2002an eman zioten “Training Day” pelikulan egindako lanagatik eta bestea, antzeztaldeko aktore onenarena, 1989an “Glory” lanagatik), Mount Vernon New Yorkeko (AEB) hirian jaio zen, 1954ko abenduaren 28an.
Unibertsitatean Kazetaritza ikasteko izena eman ondoren, antzerkiak arreta eman zion, eta interpretazioan barneratzen hasi zen.
1981ean hasi zen zineman, “Carbon Copy” pelikulan, eta sei urte geroago Oscarrerako hautatu zuten, bigarren mailako aktorearen atalean, “Cry freedom” pelikulari esker. Bi urte geroago etorri zen Akademiaren saria.
Washingtonek zineman egindako lanagatik da batik bat ezagun gaur egun, baina antzerkian eta telebistan ere aritu da bere ibilbide oparoan. 1992an “Malcom X” estatubatuar ekintzailea izan zen pantaila handian, Spike Leeren zuzendaritzapean. Geroago, Joe Miller abokatuarena egin zuen Tom Hanksen alboan, “Philadelphia” filmean. Washingtonengandik inoiz parean izan zuen beste inorengandik baino gehiago ikasi zuela esan zuen Hanksek orduan.
Geroago, film arrakastatsu askotan parte hartu zuen (“The Pelican Brief”, “Crimson Tide”, “Fallen”, The Bone Collector”...), eta egin ez zituen hiru hilketa leporatuta epaitu zuten boxeolari batena egin zuen “The Hurricane” pelikulan. Urrezko Globoa eta Berlinaleko Zilarrezko Hartza ekarri zizkion paper horrek.
Haren ostean, beste lan asko heldu dira: “Inside Man”, “American Gangster”, “The flight”… Donostian “The Equalizer” Antoine Fuquaren filma aurkeztuko du. 2001ean, "Training Day" filma zuzendu zuen Fuquak, Denzel Washington protagonista zuela. Hamahiru urte geroago, Washingtonek eta Fuquak berriz ere bat egin dute, Espainiar Estatuan urriaren 17an estreinatuko den filmean.
Denzel Washington McCall pertsonaia da, bere iragan misteriotsua atzean utzi duela pentsatuz bizimodu berri bat hasi duen gizona. Baina McCallek Teri (Chloë Grace Moretz), gangster errusiar ezin bortitzagoen kontrolpean dagoen neska gaztea, ezagutu ondoren, ezingo du ezer egin gabe geratu; lagundu beharra sentituko du.
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.