Denzel Washington Donostian da jada
Zinemaldiaren aurtengo edizioan, hasiera-hasieratik egongo da emozioa puri-purian. Hasi eta berehala, inaugurazio ekitaldian bertan, Denzel Washington newyorktar aktoreak Donostia Saria jasoko du, edizio honetan banatuko dituzten bietako lehena.
Donostiako Zinemaldiko 62. Edizioko izar handiak sinpatia eta gertutasun handia izan du jarraitzaileekin, Gipuzkoako hiriburura iritsi denean, ostiral honetan.
Washington 14:20an agertu da, Donostiako Maria Cristina Hotelaren aurrean. Hainbat zale zeuden itxaroten, eta aktorea irribarretsu zuzendu zaie, alfonbra gorrira eraman duten autotik jaitsi bezain laster.
Arropa informalaz jantzita azaldu da, txandal-galtza, kamiseta eta txapel beltz bat zeramatzala. Aktore ospetsuak ia ordu laurden eman du jarraitzaileei agurtzen, autografoak sinatzen eta argazkiak ateratzen.
Zaleekin egon ostean, Denzel Washington Maria Cristina hotelera sartu du, Jose Luis Rebordinos Donostia Zinemaldiko zuzendariarekin batera.
Lehenengoz 1986an eman zuten Donostia Sariaren bidez, aktorearen ibilbide profesional osoaren balioa aitortu nahi dute antolatzaileek. Aurretik, zinemaren historian toki berezia duten aktore askok jaso dute golardoa, hala nola Gregory Peckek, Bette Davisek, Lauren Bacallek, John Malkovichek, Sean Pennek eta Woody Allenek.
Denzel Washingtonek “The Equalizer” Antoine Fuquaren filma aurkeztuko du Donostian. Washingtonek ez ezik, Benicio del Toro puertorricar aktoreak ere jasoko du Donostia Saria. Ostiralean izango da, irailaren 26an.
Irekiera gala
21:00etatik aurrera, Kursaalek donostiar topaldiaren 62. edizioaren irekiera gala hartuko du. Edurne Ormazabalek eta Karra Elejalde aktoreak gidatuko duten ikuskizunean, zinemagintzaren beste ordezkari batzuek parte hartuko dute, hala nola Maribel Verduk, Unax Ugaldek, Cayetana Guillen Cuervok, Mireia Gabilondok, Eduard Fernandezek eta Imanol Ariasek. Gala guztien nondik norakoak zuzenean jarraitu ahal izango dira, eitb.eus-en, streaming bidez.
Zure interesekoa izan daiteke
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.
Imanol Uribe: "Intolerantziaren aurkako borrokak gidatu nau"
Euskal zinemagileak, La fuga de Segovia, La muerte de Mikel, Días contados eta El rey pasmado filmen egileak, Donostiako Giza Eskubideen Zinemaldiaren sari berezia jasoko du ostegun honetan, "errealitateari atxikia" duen zinemari esker.
Lara Izagirre “Yerma”ren bertsio garaikide eta urbanoa filmatzen ari da euskaraz
Zinemagilearen hirugarren film luzearen protagonistak Ane Pikaza eta Aitor Borobia dira, eta Maria Goiricelayarekin batera dago idatzita, Lorcaren lan hori antzerkirako arrakastaz moldatu zuen antzerkigilearekin.
Euskal zinemak ongietorria egin dio Maialen Belokiri
Jose Luis Rebordinosek, lekukoa emango dion zuzendariak, eta Koldo Almandoz eta Lara Izagirre zinemagileek Beloki Zinemaldiko buru izendatu izanaz hitz egin digute.
Maialen Beloki izango da Donostiako Zinemaldiaren zuzendaria 2027tik aurrera
Zinemaldiaren Administrazio Kontseiluak aho batez aukeratu du Beloki, Jose Luis Rebordinosen ondorengo gisa.
Lander Garro: "Memoria pertsonaia bat gehiago da 'Lutxi eta zuhaitza'n"
1987an Pasaian, Guardia Zibilaren esku, egoera nahasian hilik gertatu zen Lucía Urigoitia ETAko kidearen istorioa kontatzen du dokumentalak. Fikziozko zatiak eta lekukoen adierazpenak uztartzen ditu Lander Garroren pelikulak.
"I lit the Fire!" Valeria Lemesevskayaren filma izan da Punto de Vista jaialdiko lanik onena
Epaimahaiak bielorrusiar zuzendariaren dokumentala aukeratu du Nafarroako Zinema Dokumentalaren Jaialdiko Sail Ofizialeko film luze onentzat. Film labur onenaren saria, EITBk babestutako golardoa, 3cm of Complexity Anna Vasofen filmari eman diote.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Amets Hautsien zumardia Zornotzan dago
Boulevard pelikula ikusten ari zarela, oso sentsazio arraroa sumatzen duzu zure baitan. Pertsonaiek izen arrotzak dituzte: Hasley Weigel, Luke Howland, Ligé Neizan, Zev… Ez dute, baina, anglo-saxoi itxurarik, ibilerarik, aurpegierarik, gorpuzkerarik.
Elena Irureta aktoreari aitortza eginez hasi dute Silver Film Festival jaialdia Bilbon
Maitasuna eta Sexua (adingabea) lelopean, 60 urtetik gorako pertsonak oinarri dituen Silver Film Festival jaialdiari hasiera eman diote astelehen honetan, Bilbon. Apirilaren 24ra bitartean, hainbat jarduera hartuko ditu ekimenak eta, gaur, Elena Irureta aktoreari EITB Silver saria eman diote.