Oscarretarako lasterketan, bultzadaren bila
Alejandro Gonzalez Iñarritu mexikar zinemagilea Bafta sarien protagonista izango da aurten ere, iaz "Birdman"ekin izan zen bezala. Zortzi izendapen jaso ditu “The Revenant” hartz batek zauritutako ehiztariaren mendeku nahia kontatzen duen haren lanak Londresen otsailaren 14an banatuko dituzten sarietarako.
Michael Punkeren eleberri batean oinarritutako lanak baino izendapen bana gehiago jaso dituzte, halere, “Carol” eta “Bridge of Spies” pelikulek, Zinema eta Telebista Arteen Britainiar Akademiak gaur zabaldu duen zerrendak erakusten duenez.
“The Revenant” Leonardo DiCaprio aktore nagusi duen lana film onenaren, aktore onenaren eta zuzendari onenaren ataletan lehiatuko da; azken horretan, Gonzalez Iñarrituren aurkariak Adam McKay (“The Big Short”), Ridley Scott (“The Martian”), Todd Haynes (“Carol”) eta Steven Spielberg (“Bridge of Spies”) izango dira.
Britainiar zinemaren jaian, Iñarrituren berrienak ez ezik, beste bi lanek ere bereganatu dute denon arreta: “Carol” AEBn 50eko hamarkadan bi emakumek izan zuten maitasun harremana kontatzen duen pelikula, zeinetan Cate Blanchetten lana nabarmentzen omen den, eta “Bridge of Spies”, Gerra Hotzaren garaian kokatuta Washingtonen eta Moskuren arteko espia trukaketa bat pantailaratzen duen pelikula.
Eddie Redmayne “The Theory of Everything”ekin iaz Bafta sarietan eta Oscarretan arrakasta handia lortu zuen aktoreak emaitza errepikatu nahi du aurten, “The Danish Girl” filmean Lili Elbe danimarkar pintore transexualaren larruan sartzeko egindako lanaren bidez. Bost izendapen jaso ditu guztira pelikula horrek.
Gizonezko aktore onenaren Bafta sarirako gainerako hautagaiak Bryan Cranston (“Trumbo”), Leonardo DiCaprio (“The Revenant”), Matt Damon (“The Martian”) eta Michael Fassbender (“Steve Jobs”) dira.
Emakumezko aktoreei dagokienez, izendatuak Alicia Vikander (“The Danish Girl”), Brie Larson (“Room” gatibu egondako ama-seme batzuen istorioa), Cate Blanchett (“Carol”), Maggie Smith (“The Lady in the Van”) eta Saoirse Ronan (“Brooklyn”) dira.
Urrezko Globoak
Urrezko Globoetarako, Hollywoodeko atzerritar kazetariek ebazten dituzten sarietarako, denetariko izendapenak egon dira, eta ez dago faborito argirik. Igandean, hilak 10, argituko dira zalantza guztiak.
“Spootlight” da faborito nagusia drama onenaren atalean; “The Boston Globe” egunkariak Eliza Katolikoko hainbat apaizek ustez eginiko sexu gehiegikeriak argitzeko eginiko ikerketa du kontagai film horrek. Komediaren arloan, “The Big Short” Wall Streeteko munduan kokatutako filmak irabaztea da litekeena, kritikarien ustez.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.