Ethan Hawke, zinemako haur prodijioa
Ethan Green Hawke (Austin, Texas, 1970) aktorea, idazlea eta zinema zuzendari estatubatuarra da.
14 urterekin hasi zen zinema munduan, eta 60 film baino gehiago ditu bizkar gainean. Poeta hilen elkartea (1989) filmari esker lortu zuen ospea.
Richard Linklater zinemagilearekin aritu da hainbat lanetan, besteak beste, Boyhood (2014) film ospetsuan, eta, hori dela eta, antzeztaldeko gizonezko aktorerik onenaren saria jasotzeko izendatu zuten Oscar sarietan.
Julie Delpyrekin batera, eta Linklaterren zuzendaritzapean, Before Sunrise filmean egin zuen lan, eta Before Sunset eta Before Midnight heldu ziren ondoren.
Hirurek idatzi zuten Before Sunset eta Before Midnight filmetako gidoiak, eta Oscar sarirako izendapena jaso zuten, eta Independent Spirit saria jasotzeko ere izendatu zituzten.
2002an jaso zuen bigarren gizonezko aktorerik onenerako izendapena Oscar sarietan, Antoine Fuquaren Training Day filmagatik. Denzel Washingtonekin batera aritu zen bertan.
Hawkeren ibilbide zinematografikoan, Good Kill, Reality Bites, Great Expectations, Hamlet, Gattaca, Brooklyn’s Finest, The Purge eta Before the Devil Knows You’re Dead filmak daude. Aurten, gainera, lan bikaina egin du Robert Budreauren Born to Be Blue filmean.
Aktore lana eta idazle lana batera egin ditu Hawkek, oso gustuko baitu istorioak idaztea.
Orain arte, lau eleberri idatzi ditu, horien artean, The New York Times egunkarian salduenen artean lehen postua eskuratu duen Indeh (2016). 2015ean, bere lehen dokumentala zuzendu zuen: Seymour: An introduction. Seymour Bernstein piano-jotzaile, irakasle eta konpositorearen bizitzaren erretratua egin zuen bertan.
Zure interesekoa izan daiteke
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".