Euskal zinemaren egun handia Zinemaldian
Ramon Barea aktore eta zuzendari bilbotarrak Zinemira saria jasoko du astearte honetan. Donostiako Zinemaldiak eta EPE/APV eta IBAIA ekoizle-elkarteek banatzen dute sari hori, euskal zinemaren pertsona ospetsu baten ibilbidea omentzeko. Hain zuzen, Euskal Zinema eta ETB Galan banatuko da Zinemira saria, Victoria Eugenia antzokian, Agirre lehendakaria dokumentalaren eta Igelak fikziozko film luzearen estreinaldia erakutsi baino lehen.
Gala zuzenean jarraitu ahal izango da ETB4 telebista katean eta eitb.eus atarian, 20:45etik aurrera.
Patxo Telleriaren Igelak filmak banku-sukurtsal bateko zuzendariaren istorioa kontatzen du. Delitu ekonomikoak egiteagatik atxilotu ostean, dena galduko du, eta ihesean ari dela, etxerik gabe geratu den lagun-talde batek okupatutako eraikin batean babestuko da.
Gorka Otxoa aktoreak egiten du Pello pertsonaia nagusiaren papera.
Agirre lehendakaria dokumentala Francesc Escribano Royo kazetari, irakasle eta zuzendari katalanaren lana da, eta agintari politikoaren erretratua egitea du helburu, haren bizitza pertsonalean eta sentimentalean barneratuz.
Horrez gain, Zinemiran, Justin Webster zuzendariaren ETAren amaiera dokumentala emango dute. Dokumentalak, Arnaldo Otegi, Jesus Eguiguren, Iñigo Urkullu eta Alfredo Perez Rubalcabaren testigantzak jasotzen ditu, ETAk borroka armatua behin betiko uzteko erabakia nola hartu zuen azaldu nahian.
Eduardo Chillida artistari buruz Juan Barrero National Geographiceko dokumentalgileak egindako lana (Chillida: Esku huts) ere egongo da ikusgai.
Lehiaketatik kanpo, berriz, Fermin Muguruzak zuzendutako Nola dokumentala eta Gaur irekiko ditu ateak (Egunkariaren sorrerari buruzko lana) proiektatuko dituzte.
Bestalde, indarkeria globalari eskainitako atalaren baitan, Euskal Herriko gatazkari lotutako film eta dokumental gehiago emango dituzte, Asier ETA biok, Lasa eta Zabala eta Euskal pilota, larrua harriaren kontra.
Sail ofizialari dagokionez, Miles Joris-Peyrafitte 23 urteko zuzendari estatubatuarraren As you are eta Nacho Vigalondoren Colossal filmak emango dituzte, azken hori lehiaketatik kanpo.
Zure interesekoa izan daiteke
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".