Michel Franco, Sebastián Lelio eta Marcela Said, Horizontes Latinos sailean
Argentinan, Brasilen, Txilen, Costa Rican, Mexikon, Dominikar Errepublikan, Uruguain eta Venezuelan ekoitzitako hamabi filmek osatuko dute Donostiako 65. Zinemaldian Horizontes Latinos saila
Besteak beste, La educación del Rey, Santiago Estevesen (Mendoza, Argentina, 1983) lehen film luzea erakutsiko dute sail horretan, baita La novia del desierto Cecilia Atán (Buenos Aires, 1978) eta Valeria Pivato (Buenos Aires, 1973) zuzendariena ere.
Halaber, Natalia Garagiolaren (Buenos Aires, 1982) lehen film luzea, Temporada de caza (Zinema Eraikitzen 31), Veneziako Nazioarteko Kritikaren Asteko lehian ere arituko da, Donostian ez ezik.
Gustavo Rondonek (Caracas, 1977) arrakasta izan du film laburren nazioarteko zirkuituan, eta La familia Limako zinema jaialdiko film onenaren epaimahaiaren saria jaso duen filma da berak sortutako lehen pelikula luzea. Hori erakutsiko du Zinemaldian
Alexandra Latisheven (San Jose, Costa Rica) lehen film luzea da Medea, eta BAFICIko (Buenos Aireseko Zinema Independenteko Nazioarteko Jaialdia) lehiarako sailean sartu zen.
Marcela Saiden (Santiago, Txile, 1972) bigarren filma proiektatuko dute Horizontes Latinos sailean, Los perros Canneseko Kritikaren Astean aurkeztutako filma.
Las olas Adrian Biniez (Remedios de Escalada, Argentina, 1974), zuzendari, gidoilari, aktore eta abeslariaren hirugarren film luzea da.
Halaber, Michel Franco (Mexiko Hiria, 1979) zuzendariak aipamen berezia jaso zuen Donostian Después de Lucía (2012) filmari esker, eta Cannesen Un Certain Regard saileko film onenaren saria irabazi zuen. Oraingoan, Las hijas de Abril filmarekin itzuli da Zinemaldira, aktore taldean, besteak beste, Emma Suarez duela.
Sebastián Lelioren (Mendoza, Argentina, 1974) ibilbideak ere lotura estua du Donostiarekin. Bere laugarren filmarekin (Gloria), Donostiako Zinema Eraikitzen saria irabazi zuen 2012an, baita emakumezko antzezle onenaren (Paulina García) Zilarrezko Hartza ere, Berlinen. Una mujer fantástica bere filmik berrienak gidoi onenaren Zilarrezko Hartza irabazi zuen Berlinalen eta lan horrexek zabalduko du Horizontes Latinos aurten.
Affonso Uchoak (Contagem, Brasil) eta Joao Dumansek Arábia / Araby aurkeztuko dute, eta Ulises Rosellek (Buenos Aires, 1970) Al desierto.
Azkenik, Nelson Carlo de los Santos Arias (Santo Domingo1985) dominikar zuzendariaren hirugarren filma da Cocote, Locarnoko zinema jaialdiko Signs of Life saileko saria irabazi duena.
Hamabi film horiek Horizontes Saria (35.000 euro) lortzeko lehian parte hartuko dute.
Zure interesekoa izan daiteke
‘Itzalak argitzen’: euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok 'Itzalak argitzen' dokumentala gauzatu dute 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: ‘Hamaseigarrenean, aidanez’ (Anjel Lertxundi, 1985), ‘Zergatik panpox’ (Xabier Elorriaga, 1985), ‘Ehun metro’ (Alfonso Ungria, 1985) eta ‘Oraingoz izen gabe’ (Jose Julian Bakedano, 1986). Euskadiko Filmategiaren barruko Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.