Publikoari irekitako 'artxibo bizia' izango du Donostiako Zinemaldiak
Donostiako Zinemaldiak "Zinemaldia 70. Istorio posible guztiak" proiektua abiatu du, Elias Querejeta Zine Eskolako ikerketa sailarekin, Tabakalera Kultura Garaikidearen Nazioarteko Zentroarekin eta Euskadiko Filmategiarekin elkarlanean, Zinemaldiaren "artxibo bizia" eratzeko asmoz.
Proiektuaren lehenengo fasea 70. edizioan gauzatuko da, 2022an, eta Zinemaldiaren artxiboen kokaleku fisikoa Euskadiko Filmategia izango da.
"Azaleratu gabeko sorpresaz betetako artxiboa da. Ikerketa eta komisariotza proposamen asmo handikoa da, eta 70. urteurrenaren proiektu izarra", adierazi du Jose Luis Rebordinos Zinemaldiaren zuzendariak.
Lana bi eremutan gauzatuko da: Martuteneko gordailuan, gaur egun hor ordenatuta baitaude materialak, eta Ubik liburutegian, bertan aztertu, inbentariatu eta katalogatuko baitira, ongi kontserbatzen direla eta publikoak sarbidea duela bermatzeko.
Artxiboa bukatu arte, urtero aterako dira argitara ikerketen ondorioak, erakusketa, argitalpen edo proiekzio programa gisa. Dibulgazioko materialez lagundutako zikloak antolatzea planteatu da, eta horietan elkarrizketa kritikoak proposatzea, Zinemaldiaren aurreko edizioetan programatutako filmei, haien testuinguru zinematografiko, sozial nahiz politikoari eta film garaikideei buruz.
Halaber, Zinemaldiaren memoria ez dute langileek azken 65 urteetan katalogatutako funtsek soilik eratzen, zinemazaleek historian zehar bildutako materialetan ere aurki daitekeelako. Beraz, aurrerago Zinemaldiarekin zerikusia duten dokumentuak ekartzeko deialdia egingo zaie herritarrei.
Albiste gehiago zinema
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.