‘Un día más con vida’, Hegoaldeko zinema aretoetan
Raul de la Fuentek eta Damian Nenowk dokumentala eta animazioa uztartu dituzte ‘Un día más con vida’ gaur, urriak 26, Hegoaldeko zinema aretoetan estreinatuko den filmean.
EiTBren parte-hartzea duen filmak Ryszard Kapuscinski erreportariaren egunerokoa du kontagai. Angolako 1975eko gerran “alderdietako baten alde jarri eta zerbait gogoangarria egin zuen”, azaldu dute egileek.
De la Fuenteren hitzetan, “kazetarien arauen aurka doan zerbait gogoangarria iruditzen zait, baina kazetaririk onenak hori egin zuen, eta irakatsia eman zuen: bizitzak jokoan daudenean, gizakiak gara beste ezer baino lehenago. Kapuscinskik agerian utzi zuen arrisku horren aurrean gizakia gailentzen zaiola kazetariari”.
‘Un día más con vida’ “gerraren aurkako tonu argia duen istorio gazi-gozoa da”, baina amaiera ez da espero litekeena. “Pelikulan ilusio bat kontatzen da, gizarte berdinzale baten ametsa, zeina oso polita baitzen baina azkenean ez zen aurrera atera”, deitoratu du De la Fuentek.
“Gatazkan, gerra hori bizi izan zuen jende asko hil zen, eta inoren asmoak ase ez zituen 40 urteko gatazka baten zentzurik eza erakusten da. Independentzia lortu zuten horiek ikusi zuten beren ideia bidezkoak ez zirela garaile atera eta ‘non dago iraultza?’ galdetu zioten beren buruari”, erantsi du.
Nafar zinemagilearen filmak publikoaren saria irabazi zuen Donostiako Zinemaldian eta Europako Zinema Sarietarako izendatuta dago.
Albiste gehiago zinema
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.