'Another day of life', Animazio Film Onena izendatu dute European Film Awardsetan
Raul de la Fuente nafarrak eta Damien Nenow poloniarrak zuzendutako 'Another day of life' filmak European Film Awards sarietan Europako Animazio Film Onenaren garaikurra jaso du bart Sevillan ospatu den galan.
Urriaren 26an iritsi zen pelikula zinema aretoetara. Ryszard Kapuscinskik Angolan 1975ean gerra-kazetari gisa bizi izan zuen esperientzia kontatzen du, Gerra Hotzaren azken "guda-leku" izan zen garaiko istorioa.
Donostiako Zinemaldian publikoaren saria eskuratu zuen, eta geroztik sari andana jaso ditu: Egiptoko El Gouna Zinema Jaialdiaren Publikoaren Saria, Poloniako WAMA Zinema Jaialdiaren Publikoaren Saria eta Euskal Herriko Gidoigile Profesionalen Elkartearen Gidoi Onenaren saria. Gainera, 2018ko Canneko Jaialdian parte hartu du eta Annecy Animazio Jaialdian ere bai.
Kanaki Film ekoiztetxeak egin du filma. Raul dl la Fuente bera eta Amaia Remirez dira Kanakiko buruak eta hunkituta, bideoa grabatu dute biek Sevillatik. Ekoiztetxea ere zorioneko da, Cartoon Movies Jaialdian Europako ekoiztetxe gisa saritu baitzuten.
Filmak ETB, TVE, eta Movistar+en laguntza izan du, eta ICAAren, Eusko Jaurlaritzaren eta Nafarroako Gobernuaren babesa. Golem banatzaileak eraman du zinema-aretoetara.
Zure interesekoa izan daiteke
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz, etorkizunari itxaropenez eta motibazioz begiratzen diotela.
'Maspalomas', film onena Zinemastearen 42. edizioan
Maspalomas, Jose Mari Goenagak eta Aitor Arregik zuzendutako filma Zinemastearen 42. edizioko onena izendatu dute.
'Maspalomas', Zinemastearen 42. edizioko film onena
Zuzendari onenaren eta aktore onenaren sariak ere jaso ditu, azken hori Jose Ramon Soroizek egindako lanagatik.
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.