Aritz Morenok 'Ventajas de viajar en tren' filmatzen bukatu du
Joan den astean, Ventajas de viajar en tren Aritz Morenok zuzendu duen eta EiTBren parte hartzea duen pelikula filmatzen bukatu zuten Parisen, abendu erdialdetik Euskal Herriko hainbat tokitan filmatu eta Madrilen geldialdi labur bat egin ondoren.
Luis Tosar, Pilar Castro, Ernesto Alterio, Quim Gutierrez, Belen Cuesta, Macarena Garcia, Javier Botet, Javier Godino, Stephanie Magnin, Gilbert Melki, Ramon Barea eta Alberto San Juan aktoreek gorpuztu dituzte “istorio bitxi eta labirintikoz beteriko thriller konspiranoiko” honetako pertsonaia “misteriotsu eta zoroak”.
Aritz Morenok zuzendu duen lehen film luzea da, eta, haren hitzetan, “filmatze lanak erokeria oso dibertigarria izan dira. Gidoia horren originala da, non proposamen bisuala ere tamainakoa izan behar baitzen, eta erronka etengabea izan da hori sormenarentzat. Pribilegioa izan da lantalde tekniko honekin lan egitea, onenak dira eta horietako asko lagunak ere bai. Gainera, ametsik baikorrenean ere ez nuen pentsatu nire lehen filmean horrelako antzezle zerrenda izango nuenik. Esperientzia izugarria izan da”.
Ventajas de viajar en tren Merry Colomerrek, Leire Apellanizek eta Juan Gordonek ekoitzi dute, Javier Agirre da argazkilaritza zuzendaria, Mikel Serrano zuzendari artistikoa, Cristobal Tapia de Veer arduratu da musikaz, Raul Lopezek editatuko du, makillajearen atzean Karmele Soler dago, ile-apainketaren atzean Olga Cruz, eta Virginie Alba arduratu da jantzigintzaz.
“Ezustekoz beteriko istorioa”
“Nire bizitza kontatzea nahi?”. Helga Pato editoreari galdera hori egingo diote trenean doala. Ondoko eserlekuan doana Angel Sanagustin da, nortasun nahasmenduetan aditua den psikiatra bat.
Bidaian, Angelek aurrez aurre sekula izan duen kasu kliniko okerrenaren historia lizun eta zoroa kontatuko dio Helgari: Martin Morales de Ubeda gaixo paranoiko oso arriskutsuak zaborra kontrol tresna gisa erabiltzen dutela pentsatzen du modu obsesiboan.
Ausaz gertatutako topaketa horrek nahitaez gidatuko du Helga Patoren eta istorioan nahasirik dauden pertsonaia guztien etorkizuna, bat-bateko aldaketak eta ezustekoak eskainiko dituen pelikulan.
Obsesioa, perbertsioa, sarkasmoa, dibertsioa, erokeria eta sofistikazioa: trenez bidaiatzearen abantailetako batzuk.
Zure interesekoa izan daiteke
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.
ICOFF film laburren Gasteizko jaialdiak 50 lan eskainiko ditu egoitza berrian, Arkabian
Ofiziala atalak 30 lan emango ditu; Bagare euskal filmen atalak, zazpi, eta Nazioartekoak, hamahiru. Azken horretan saria emango dute lehenengoz.
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.