Kimuak katalogoko zazpi filmak aukeratu dituzte
Epaimahaiak aurten Kimuak film laburren katalogoa osatuko duten pelikulak aukeratu ditu, gaur iragarri dutenez: Artiko (Josu Venero eta Jesus Mari Lazkano), El Infierno (Raúl de la Fuente), Labo (Jesus Maria Palacios), Leyenda Dorada (Ion de Sosa eta Chema García Ibarra), Lursaguak (Izibene Oñederra), Mateoren ama (Aitor Arregi eta Jose Mari Goenaga) eta Medvedek (Ainhoa Gutiérrez del Pozo).
Eusko Jaurlaritzaren Kultura Sailak antolatu du, Etxepare Euskal Institutuaren bitartez eta Euskadiko Filmategiaren laguntzarekin, Kimuak programaren 22. edizioa, eta epaimahaia hauek osatu dute: Carlos Plaza Donostia Kulturako Zine Unitateko teknikaria; Carmen Serrano Andaluziako Juntako ‘Cortometrajes Andaluces’ film laburren sustapen katalogoko koordinatzailea; Garbiñe Ortega Punto de Vista zinemaldiko zuzendari artistikoa eta Zineleku ikus-entzunezko prestakuntza, ekoizpen eta emanaldiak egiteko proiektuko zuzendaria; Roberto Barrueco Bartzelonako MECAL Nazioarteko Film Labur eta Animazio jaialdiko zuzendaria; eta Ruth Pérez de Anucita Donostiako Zinemaldiko Komunikazio arduraduna eta Zuzendaritza Batzordeko kidea.
Fikzioa, zientzia-fikzioa, animazioa eta forma ezberdinetako dokumentalak jasotzen ditu, eta, hizkuntzei dagokienez, filmetako bi euskara hutsean daude, beste bat euskaraz eta gaztelaniaz, bi gaztelaniaz eta bat ingelesez. Lursaguak (Escenas de vida) Izibene Oñederraren filmak, animaziozkoak, ez dauka elkarrizketarik.
Artiko dokumentalak Jesus Mari Lazkano margolari bergararrak Svalbard artxipelagora egindako bidaia erakusten du. Lazkanok Josu Venero () zuzendari eta ekoizle bilbotarrarekin batu ditu indarrak ikus-entzunezko hau egiteko eta Xabi Payaren hitzekin osatu dituzte grabatutako paisaiak.
El infierno-n Raúl de la Fuente iruindar zuzendariak (Goya sariaren irabazlea) Sierra Leonara darama ikuslea, eta Chennuk kaleko umearen istorioa kontatzen dio: Pademba Road, Freetowneko helduentzako kartzelan sartu zuten, eta infernu horretara itzuli nahi du.
Labo Jesus Maria Palaciosen filma Tarragonako Francisco Franco Unibertsitate Laborala izan zenaren erretratu arkitektoniko, zinematografiko eta politikoa da.
Ion de Sosa eta Chema García Ibarra zinemaldi zirkuituan aski ezagunak diren egileek Leyenda dorada zientzia-fikzioa osatu dute: 16mm-an grabatua, udako egun batean Montánchez (Cáceres) herriko udal igerilekuan ematen diren elkarrizketak eta gertakariak jasotzen ditu, kostunbrismoa eta umorea uztartuz.
Hélène Cixousek zioen moduan, inoiz ezagutu ez den espezieko milioika lursagu, milaka urteko kulturaren oinarri kontzeptuala, birrintzen ari diren garai horretantxe bizi gara. Kontzeptu honi helduta, Izibene Oñederra egileak "animazio indartsua" eraiki du Lursaguak (Escenas de vida) filmean.
Izibene Oñderrak hirugarren aldia du Kimuak katalogoan
Mateoren ama Aitor Arregi eta Jose Mari Goenagaren fikziozko draman, denboraldi batez ama ikusi gabe egon den Angel Marik indarrak hartu eta hura dagoen zahar-etxera bisitan joatea erabakitzen du. Gogorra egiten zaio ama horrela ikustea: seme-alabak ezagutzen ez dituen amona baten moduan.
Ainhoa Gutiérrez del Pozo zuzendariaren hirugarren film laburra da Medvedek dokumentala. Jatorri esloveniarreko bi hartz emeren etorrerak nafar Pirinioko paisaian nola eragiten duen aztertzen du.
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.