'Ventajas de viajar en tren', 'El hoyo' eta 'Paradise Hills', Sitgesen lehian
“Ventajas de viajar en tren”, Aritz Moreno donostiar zuzendariaren lehen film luzea, “lan sailkaezin eta probokatzailea”; “El Hoyo”, Galder Gazteu-Urrutiaren filma, gizarte kritikaz gainezka ikuslea inguru distopiko batean kokatzen duena; eta “Paradise Hills”, Alice Waddington bilbotar zinemagileak Sundanceko jaialdian erakutsi zuen filma Kataluniako Fantasiazko Zinemaren Nazioarteko Jaialdian egongo dira, Sitgesen, urriaren 13ra bitartean.
Hiru pelikulok Kataluniako jaialdiko saria irabazteko hautagaiak dira, Sail Ofizialean proiektatuko baitituzte.
“Ventajas de viajar en tren”, EiTBren parte-hartzea duen pelikula, azaroaren 8an iritsiko da Hegoaldeko zinema aretoetara, eta Jaialdiko sail ofizialean erakutsiko dute. Aktore taldean daude Luis Tosar, Pilar Castro, Ernesto Alterio, Quim Gutierrez, Belen Cuesta, Macarena Garcia, Javier Godino eta Javier Botet.
“El hoyo”k ere EiTBren parte-hartzea du, eta Galder Gaztelu-Urriak egindako lehen film luzea da, iragarkiak eta “La casa del lago” fikziozko film laburra egin eta gero. Toronton saritu dute filma, berriki.
“Paradise Hills”ek luxuzko barnetegi baten istorioa kontatzen du. Familia aberatsek bertara eramaten dituzte beren alabak, emakume perfektuen gisara hezi ditzaten. Uma (Emma Roberts) hara bidaliko dute, eta laster jakingo du egoitzak sekretu bat duela ezkutuan.
11 egunez, 171 pelikula eskainiko dituzte Sitgesen, 3.000 ikuslerentzat, eta 310 gonbidatu berezi pasatuko dira jaialditik. Antolatzaileek 200.000 bisitari bildu nahi dituzte, eta 542 kazetari eta zinemagintzaren 845 profesional daude akreditatuta.
Zure interesekoa izan daiteke
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.
ICOFF film laburren Gasteizko jaialdiak 50 lan eskainiko ditu egoitza berrian, Arkabian
Ofiziala atalak 30 lan emango ditu; Bagare euskal filmen atalak, zazpi, eta Nazioartekoak, hamahiru. Azken horretan saria emango dute lehenengoz.
Ikusi primizian “Cada día nace un listo” filmaren aurrerapena
Arantxa Echevarria zuzendariaren (“Carmen y Lola”, “Chinas”, “La infiltrada”) akziozko komedia beltzak EITBren parte hartzea du, eta ekainaren 5ean iritsiko da zinema aretoetara. Satira honetan, “pikarokeria, anbizioa eta itxurakeria” azaltzen dira, eta antzeztaldean daude Hugo Silva, Susi Sánchez, Dafne Fernández, Markos Marín, Marina Ostolaza, Javier Tolosa eta Sofía Otero.
Zinema jendaia Bizkaia Zubitik zintzilika
Hantuste eta txulo agertu da "¿Cómo hemos llegado a esto?" filma Euskal Herriko bizpahiru pantailatan, izenburu ezin aproposagoarekin.
Javier Ginerrek urriaren 30ean estreinatuko du bere lehen film luzea
Esta soledad pelikulan, barakaldar zinemagileak, Yo adicto serie sarituaren egileak, “anabasaren eta bakardadearen samurtasun basatiz bizirauten duten bi gazte” irudikatu ditu.
FANTek "Bajo tus pies" filma estreinatuko du
Fant Bilbao zinema jaialdiaren 32. edizioa maiatzaren 8tik 16ra izango da, baina, aurretik, Bajo tus pies Cristian Bernard zuzendariaren film luzea emango du astelehen honetan; Urko Olazabal eta Sofía Otero aktoreek parte hartzen dute, eta beraiekin hitz egin dugu, eta Ibai Atanes eta Maribel Verdú ere ageri dira antzeztaldean.
“Sucia” eta “Black water” sarituko ditu Giza Eskubideen Zinemaldiak
Bàrbara Mestanza eta Marc Pujolarren dokumentalak film luze onenaren Ikusleen saria jasoko du, eta Black water Natxo Leuzaren lanak Amnesty International saria. Gaur bukatuko da jaialdia, eta Imanol Uribek ohorezko saria jasoko du.