Thomas Vinterbergen 'Druk' pelikularentzat izan da 2020ko Feroz Zinemaldia saria
Thomas Vinterbergek zuzendutako Druk (Another Round) pelikulak kritikariek eta prentsa espezializatuak ematen duten Feroz Zinemaldia saria eskuratu du. Donostiako Zinemaldiaren Sail Ofizialeko lehiaketan dauden lanen arteko onena saritzen du Ferozek.
Sari ofizial bat irabazteko faboritoen artean dago Another Round. Pelikulan, lau irakaslek egun osoan zehar gorputzean alkohol tasa bat mantentzeko ustezko esperimentu soziologiko bat abiatuko dute, horrela bizitzako alde guztietan hobetu dezaketela erakutsi nahian. Esperimentuaren ondorioek betirako aldatuko dituzte.
“Thomas Vinterberg zuzendari daniarra, Mads Mikkelsen aktorearen antzezpen bikainaren laguntzarekin, alkohol ibai batean ibili da bakardadeari eta krisi existentzialari buruzko istorio korapilatsu bat sortzeko”, esan du Teresa Montoro Espainiako Zinema Informatzaileen Elkartearen presidenteordeak.
Saria Bteam Pictureseko Ania Jonesek eta Lara Perez Camiñak hartu dute. Horiek dira pelikula Estatu espainiarrean banatzeko arduradunak. Montorok eta Jon Garaño, Aitor Arregi eta Jose Mari Goenaga zuzendariek eman dute saria. 2019an Lubaki amaigabea pelikulari esker eskuratu zuten sari bera. Momentu dibertigarria eskaini dute sari-ematean.
Aurreko urteetan, euskal pelikula horretaz aparte, honakoak izan dira irabazleak: Quién te cantará (Carlos Vermut), The Disaster Artist (James Franco), El hombre de las mil caras (Alberto Rodriguez), Truman (Cesc Gay) eta La isla mínima (Alberto Rodriguez).
AINCE Espainiar estatuko telebistan, irratian, prentsa idatzian eta Interneten zinemaz informatzen duten 230 kazetarik eta kritikarik osatzen duten talde bat da. 2014tik Espainiako pelikula onenak saritzen dituzte Feroz Sarien bitartez.
Zure interesekoa izan daiteke
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.