Pandemiaren Zinemaldiak gaur emango du Urrezko Maskorra
Donostiako Zinemaldiak agur esango du gaur gauean, sariak emateko amaierako galan. Jendetza eta ustekabe handirik gabe, 2020ko Zinemaldi bereziak erakutsi du pandemia garaian ere kulturak bere lekua izan dezakeela.
Astebetez, irailean ohikoa den bezala, zinema mundua Donostiako pantailetara begira jarri da eta publikoa aretoetara joan da, erakutsiz osasun neurriak beteta ia dena dela posiblea. Eugene Green zuzendariaren anekdota desatsegina albo batean utzita –ez zien kasurik egin musukoa janzteko eskakizunei–, langileek zein ikusleek kontu handiz bete dituzte neurriak, zineak hiriko aretoak hartzea ahalbidetuz.
20:30etan ezagutuko dira irabazleak, Kursaalean. Gala zuzenean eskainiko dute ETB1en eta eitb.eus-ek. Luca Guadagnino buru duen Epaimahai Ofizialak ezagutara emango du palmaresa. Sei sari banatuko dituzte: Film onenaren Urrezko Maskorra; Zuzendari onenaren, Emakumezko aktore onenaren eta Gizonezko aktore onenaren Zilarrezko Maskorrak, eta Argazki onenaren eta Gidoi onenaren epaimahaiaren sariak. Gainera, sari berezi bat ere emateko aukera du epaimahaiak.
Hamahiru pelikula daude lehian, eta orokorrean, maila altukoak izan dira: Akelarre (Pablo Aguero), Asa ga kuru (Naomi Kawase), Auzitegia 3H (Antonio Mendez Esparza), Crock of gold: A few rounds with Shane MacGowan (Julien Temple), Dasatskisi (Dea Kulumbegashvili), Druk (Thomas Vinterberg), Été 85 (François Ozon), Sutemose (Sarunas Bartas), Nakuko wa ineega (Takuma Sato), Nosotros nunca moriremos (Eduardo Crespo), Passion simple (Danielle Arbid), Supernova (Harry MacQueen) eta Wuhai (Zhou Ziyang).
Horietako bat nabarmendu da kritikarentzat besteen gainetik: Dasatskisi (Beginning), kiniela guztietan dagoen film georgiarra, emakumezko protagonista baten inguruan. Beste hiru ere aipatzeko modukoak dira: Druk (Another round), beti intoxikazio etiliko maila berari eustea erabakitzen duen irakasle talde bati buruz; Asa ga kuru (True mothers), seme-alaba bat adoptatzen duen bikote baten inguruan, eta Wuhai, Barne Mongoliako hiri txiki batean girotua, Txinan. Vinterberg eta Kawase, gainera, Donostian maitatua izaten den zuzendari talde horietakoak dira.
Ez dira sari bat irabazteko lehian dauden lan bakarrak. Izan ere, beste epaimahaiek ere, besteak beste, Kutxabank-New Directors Saria, Horizontes Saria eta Zabaltegi-Tabakalera Saria emango dituzte. Publikoak, gainera, Perlak saileko bere pelikularik kuttunena hautatuko du. Momentuz, Sundance jaialdian estreinatutako The Father (Florian Zeller) lana da faboritoa. Gazteek ere bat aukeratuko dute. Zantzu guztien arabera, Limbo (Ben Sharrock) izango da hautatua.
Sesio gutxiago izan dituen edizio batean, euskal zinemak bere lekua bete du, kalitatezko lanekin, Sail Ofizialean zein New Directors atalean. Edozein sailetako pelikulen artean bat aukeratuko dute Euskal Zinemaren Irizar Saria Maider Oleaga zinegileak, Irati Crespo kritikariak eta ikertzaileak eta Diego Soto Ortiz gidoilariak.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.