“Ane”, “Akelarre” eta “Baby”, inoizko Goya atipikoenetan
Duela urtebetetik guztia bezala, Goya Espainiako Zinema Akademiak banatzen dituen sariak emateko gala ere ezberdina izango da. 35. edizioaren egoitza Malaga izango da, baina 166 izendatuek Internet bidez konektatuta hartuko dute parte.
Antonio Banderasek, Maria Casado katalan kazetariarekin batera galaren ardura duen aktoreak aurreratu duenez, gonbidatu kopuru mugatuaren aurrean, egungo zinemaren izen handien mezuak entzun ahal izango dira galan, hala nola Robert de Niro, Al Pacino, Dustin Hoffman, Helen Mirren, Charlize Theron, Isabelle Huppert, Monica Bellucci, Salma Hayek, Sylvester Stallone, Benicio del Toro, Emma Thompson, Ricardo Darín eta Laura Dernenak.
Euskal filmak
Euskal zinema ordezkatzen, “Akelarre” (bederatzi izendapen), “Ane” (bost, pelikula onenarena tartean), “Baby” (bi izendapen) eta “Solo son peces” eta “Homeless home” film laburrak, bakoitza izendapen batekin, egongo dira.
"Ane" David Perez Sañudo zinemagilearen lehen film luzea da, eta EITBren parte-hartzea du. Film, emakumezko aktore protagonista (Patricia Lopez Arnaiz), zuzendari berri (David Perez Sañudo), gidoi egokitu (David Perez Sañudo eta Maria Pares Pulido) eta emakumezko aktore berri (Jone Laspiur) onenen ataletan dago izendatuta.
JONE LASPIURRI (EMAKUMEZKO AKTORE BERRI ONENAREN SAILEAN IZENDATUTA) ELKARRIZKETA
Jone Laspiur: "Antzezle lana ez zen aukera bat niretzat"
“Akelarre”, EITBren parte-hartzea duen beste film bat, bestalde, bederatzi ataletan lehiatuko da: emakumezko aktore protagonista (Amaia Aberasturi), ikusizko efektu onenak (Mariano García Marty, Ana Rubio), makillaje eta ile-apainketa onena (Beata Wotjowicz, Ricardo Molina), jantzien diseinu onena (Nerea Torrijos), zuzendaritza artistiko onena (Mikel Serrano), soinu onena (Urko Garai, Josefina Rodriguez, Frédéric Hamelin, Leandro de Loredo), jatorrizko musika onena (Aránzazu Calleja, Maite Arroitajauregi Mursego), ekoizpen zuzendaritza onena (Guadalupe Balaguer Trelles) eta argazkilaritza zuzendaritza onena (Javier Agirre).
AMAIA ABERASTURIRI (EMAKUMEZKO AKTORE ONENAREN SAILEAN IZENDATUTA) ELKARRIZKETA
Amaia Aberasturi: "Oso pozik nago 'Akelarre'n egindako lanarekin"
Halaber, Juanma Bajo Ulloa gasteiztar zinemagilea (“Baby”) zuzendari onenaren atalean izango da hautagai. Pelikula horretarako Bingen Mendizabalek eta Koldo Uriartek eginiko musika ere, gainera, jatorrizko musika onenaren atalean aukeratu dute.
JUANMA BAJO ULLOARI (ZUZENDARI ONENAREN ATALEAN IZENDATUTA) ELKARRIZKETA
Bajo Ulloa: "Ezin diot utzi mundua mirarien agertoki handi gisa ikusteari"
Film laburrei dagokienez, "Solo son peces" Ana Serna eta Paula Iglesiasen lana izendatuta dago arlo dokumentalean. “Homeless home” animaziozko film laburra, Ivan Miñambresek ekoitzia eta Ramon Barea eta Kandido Urangaren ahotsa duena, ere izendatuta dago, dagokion ataletan. Eta Barea bera du protagonista "Gastos incluidos" Javier Macipe aragoiarraren lanak, zeina fikziozko atalean izendatuta baitago.
PAULA IGLESIAS RODRIGUEZ "SOLO SON PECES"EN (FILM LABUR DOKUMENTAL ONENERAKO IZENDATUTA) ZUZENDARIAREKIN ELKARRIZKETA
Zure interesekoa izan daiteke
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.