"Patria"k Iberoamerikar Zinemaren lau Platino sari irabazi ditu
"Patria" telesailak, Fernando Aramburu donostiar idazlearen eleberri ezagunaren telebistarako egokitzapenak, lau sari jaso ditu bart Madrilen, Platino sarien seigarren edizioan: Iberoamerikar Telesail edo Telesail Labur Zinematografiko Onenarena, Emakumezko Aktore Onenarena, Bigarren mailako Emakumezko Aktore Onenarena eta Telesail edo Telesail Laburren Sortzaile Onenarena.
Platino sariak EGEDA Txilen, Kolonbian, Espainian, AEBn, Ekuadorren, Perun eta Uruguain ezarritako Ekoizleen Eskubideak Kudeatzeko Erakundeak sustatzen ditu, FIPCA Ikus-entzunezko eta Zinemako Ekoizleen Iberoamerikar Federazioaren laguntzarekin.
Zinemarako eta telebistarako ekoizpenak saritzen dituzte, eta azken sail horretan "Patria" izan da nagusi ezbairik gabe: sei sarietatik bost eraman ditu.
Telesailak sari hauek irabazi ditu: Iberoamerikar Telesail edo Telesail Labur Zinematografiko Onenarena, Emakumezko Aktore Onenarena (Elena Irureta), Bigarren mailako Emakumezko Aktore Onenarena (Loreto Mauleon) eta Telesail edo Telesail Laburren Sortzaile Onenarena (Aitor Gabilondo).
"Akelarre"ren musika saritu dute
Zinemari dagokionez, "El olvido que seremos" Hector Abad Faciolinceren eleberriaren egokitzapena izan da nagusi, Fernando Trueba zuzendari eta Javier Camara protagonista dituena.
Aranzazu Callejak eta Maite Arroitajauregi Mursegok Musika Onenaren Platino saria eraman dute, Goyarekin egin zuten bezala, "Akelarre" pelikularako egin zuten musikagatik.
Zure interesekoa izan daiteke
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.
Nagore Aranburu: "Poz-pozik nago"
"Los domingos" filmean egindako lanari esker antzeztaldeko emakumezko aktore onenaren Goya saria jaso berritan, azpeitiar aktorearekin hitz egin dugu. "Oso gauza politak pasatu zaizkit, eta oso eskertuta nago", esan du.
Ibone Bengoetxea harro agertu da Goya sarietan euskal zinemari egindako aintzatespenagatik
Eusko Jaurlaritzako lehen lehendakariorde eta Kultura sailburuak sektorearen talentua eskertu du, eta hori bultzatzen duen ekosistema nabarmendu du, erakundeen babesaz harago.
Euskal zinemak urte handia ospatuko nahi du gaur Bartzelonan
Euskal zinemako ekoizpen eta profesionalek Goya sariak irabazteko aukera izango dute gaur gauean, Espainiako Zinema Akademiaren galan. Guztira, 47 izendapen jaso dituzte, 28 kategorietko 23tan.
Euskal zinemak urte oparoa biribildu nahi du Goyetan
Espainiako Zinema Akademiak bere sariak emango ditu larunbat iluntzean, Bartzelonan. Euskal ekoizpen eta profesionalek 47 izendapen jaso dituzte, eta “Los domingos” eta “Maspalomas” filmek, esate baterako, Donostiako Zinemaldian abiatu zuten bide arrakastatsua osatu nahi dute.
Teddy hartza eta Sebastiane patroia, festan eta borrokan Berlinen
Iván & Hadoumek irabazi zuen Berlinen Teddy sari 40.a. Merezi duelako. Zergatik? Polita bezain mikatza delako. Eta pantailaratzen dituen galdera guztietarako erantzunik ez duelako.
Alauda Ruiz de Azua: "Ez da ohikoa film bat elkarrizketa zinematografikoan ez ezik, sozialean ere egotea"
Arantza Ruizek Alauda Ruiz de Azua elkarrizketatu du ETB2ko "12 minutos" saioan. "Los domingos" filmaren zuzendariak arrakasta nola ari den bizitzen eta datorren larunbatean ospatuko den Goya sarien galari begira nola dagoen azaldu du.
"One Battle After Another" izan da BAFTA sarietako irabazle nagusia, sei maskara lortuta
Robert Aramayo euskal jatorriko aktore ingelesak lortu du aktore onenaren saria I Swear filmean egindako lanagatik. Aramayok bi BAFTA jaso ditu, gainera, berari eman baitiote "izar errebelazioaren" kategorian ere garaikurra.