Ane Gabarain gipuzkoarra Emmy sarirako izendatu dute 'Patria' telesailean egindako lanagatik
Ane Gabarain aktore gipuzkoarra Emmy sarirako izendatu du epaimahaiak. Sariak azaroaren 22an entregatuko dituzte New Yorken. HBOk eta Alea Mediak ekoitzitako Patria telesailean egindako lanagatik izendatu dute Gabarain.
Gabarain Valeria Betucelli aktore argentinarra (El cuaderno de Tomy), Menna Shalaby egiptoarra (Every Week Has a Friday) eta Haley Squires britainiarrarekin (Adult Material) lehiatuko da.
Gabarain aktore komikoa izan da gehienbat, eta bere ibilbide profesionalaren zati handi bat ETBko telesailetan egin du: Bi eta bat, Jaun ta Jabe edo Mi querido Klikowsky.
Espainia mailan, noizean behin aritu da, Alex de la Iglesiaren bi filmetan egindako lanak esaterako: La Comunidad eta 800 balas. Alli Abajo telesailean Maritxuren papera egin zuen, eta Patria-n Mirenena.
International Emmy Awards sariek AEBtik kanpo ekoitzitako telebista saioak saritzen dituzte. Aurten 24 herrialdetako lanak izendatu dituzte, tartean Argentina, Txile, Kolonbia, Mexiko, Brasil eta Espainiako telesailak.
Bestalde, gizonezko aktore onenaren saria jasotzeko hautagaiak Christian Tappan kolonbiar-mexikarra (El robo del siglo), Roy Nik israeldarra (Normali), Nawazuddin Siddiqui indiarra (Serious Men) eta David Tennant britainiarra (Des) dira.
Zure interesekoa izan daiteke
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".